Nehemiya 4:21 - Bhiblia Yo Sawuleka

²¹ Hi wu mahisile eto mthumo; se hafu yawe yi ti ni tingove, kukhukhela kugwimbani ka wuronga, an'ze kuwoneka ka tinyeleti.

Nehemiya 4:21 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Vakolosa 1:29

Ngu toneto, ni ti karatelako tona, na ni txi lwa ngu mtamo wakwe, awu ene a ni ningako wona.

Nehemiya 4:20

Ka wukhalo wu mi no pfa diguwa da mpundu, mi na sengeletana kumweko ni nathu koneho; Txizimu txathu txi na hi lwela.

Nehemiya 4:22

Kambe ka yona yile mbimo, ni to khani ka vathu: Mmweyo ni mmweyo a na zumbe ni dijaha dakwe Jerusalema, kasi ku ni wusiku va na va vawoneleli, se ni mitshikari, va na thuma.