Nehemiya 4:2 - Bhiblia Yo Sawuleka

² Se a to womba masoni ka vanawe, ni ka dibutho da yimbi da Samariya, a txi khene: Va maha txani Vajudha va vo pwata mtamo kani? Va nga tumelelwa tona eto kani? Va na maha mhamba kani? Ina va heta kuaka ngu ditshiku dimwedo kani? Ina va na wusa amu ka simbwindinga sa lithulu, marigwi ale ma nga hiswa kani?

Nehemiya 4:2 Referans Kwoze

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

Nehemiya 4:10

Sekoko Judha a to khene: Varwali va gumile mtamo, kambe lithulu nda lingi, se athu kha hi na mbi sikota kuaka diguma.

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

Nehemiya 6:15

Sekoko diguma di to guma ngu ditshiku da magumi mambidi ni mtxhanu, ka mtxima wa Eluli, ngu mtxhanu wa magumi a masiku ni mambidi.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 33:24

“Ina u woni ti va ti wombako vathu, va txi kha vona: Tiveleko timbidi ati Mkoma a nga ti sawula, a ti lekile kani? Kambe va txhipisa vathu vangu, va txi nga kha va nga nga va vathu, masoni kwawe.”

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Ezra 4:4

Ngu kumaha keto, vathu va ditiko dile va to karalisa manza a vathu va ka Judha, va txi va kayelisa ka mhaka ya kuaka.

Masalmo 83:4

Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.