Nehemiya 4:14 - Bhiblia Yo Sawuleka

¹⁴ Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

Nehemiya 4:14 Referans Kwoze

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Vahebheru 13:6

Ngu toneto, ha sikota kuwomba ngu kutsana hi txi khathu: “Mkoma ngene txivhuno txangu, kha ni na mbi thava txilo; m'thu a nga ni maha txani kani?”

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 65:5

Awe wa hi xamula, Txizimu, muhanyisi wathu, ngu mithumo yo xamalisa ya kululama; otshe mafu ma themba awe ni kotshe kuanama ka linene.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

2 Makronika 32:7

Mahani mtamo mi tsana; mi nga thaveni txilo hambi kuwika msana ngu mhaka ya mfumeli wa Asiriya ni vathu votshe ava aku navo, nguko ava hi ku navo mbavangi kupinda ava a ku navo.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Dhewuteronome 1:21

Wona Mkoma, Txizimu txako, a ku ningile ditiko diya: Kwela u txi ya di teka, nga ti Mkoma, Txizimu txa vatate vako, a nga kuleletisa tona. U nga ve ni dizowa, kambe u nga dhudhumele.

Masalmo 143:5

Na alakanya masiku a kaleko na pimisela yotshe mithumo yako; na khumbula sotshe simaho sa manza ako.

Masalmo 66:5

Ngonani mi ta wona mithumo ya Txizimu, sidiwukiso si txona txi nga si maha masoni ka vathu.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Jobe 37:22

kuphatima ka nzalama kuta ngu wuphemba; nguko ka Txizimu ku ni kuthaviseka ka hombe.

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

Eksodha 14:14

Mkoma a na lwa ngu nganu, kambe anu mi na malala mi txi dwe!”

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Valamuli 3:27

Se ku to maheka taku mbimo yi ene a nga wulela, a to veta mipundu a di mimangoni ka Efrayime; se vanana va ka Israyeli va to relela kumweko nayo ngu mimangoni, na ene a di masoni kwawe.

Dhaniyeli 11:32

Se ka va wukeli va txitumelelano ene, ngu wukanganyisi wakwe a na va xenga, aniko vathu va vazivako Txizimu txawe va na tsana, ve lwa naso.

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.