Nehemiya 3:21 - Bhiblia Yo Sawuleka

²¹ Msana ka Bharuke, ku to londeta Meremote, mwana Uriya, mwana Kozi, e aketa didhawa dimwani, kukhukhela ka txike txa nyumba ya Eliyasibhe kala magwito ka nyumba ya Eliyasibhe.

Nehemiya 3:21 Referans Kwoze

Nehemiya 7:63

Se ngu ka vaphaxeli ngu vava: Vanana va Habhaya, vanana va Kozi, vanana va Bharzilayi, va nga teka msikati ka vanana va Bharzilayi, m'gileyadhi, se a to dhanwa ngu ditina dawe.

Ezra 2:61

Se vanana va vaphaxeli ngu vava: Vanana va Habhaya, vanana va Kozi, vanana va Bharzilayi, a nga teka msikati hagari ka vanana va Bhazilayi wa Gileyadhi, wamsikati a to dhanwa ngu ditina da wukati kwakwe.

1 Makronika 4:8

Se Kozi a to veleka Anubhi ni Zobhebha; ni timwaya ta Ahareli, mwana Harumi.

Ezra 8:33

Se ngu ditshiku da mune, ku to pimwa silivhela, ni nzalama, ni mikamba, Nyumbani ka Txizimu txathu, ngu dianza da Meremote, mwanana wa mphaxeli Uriya; a ti ti ni Eleyazari mwana Fineya, kumweko ni Jozabhadhi mwana Jesuwa, ni Nowadhiya mwana Bhinuyi, va ka Levhi;

Nehemiya 3:20

Msana ka Ezeri, ku to londeta Bharuke, mwana Zabhayi, e aketa dimwani didhawa, kukhukhela dikhonani kala ka txike txa nyumba ya Eliyasibhe, mphaxeli wa hombe.

Nehemiya 3:22

Se msana kwakwe, ku to aka vaphaxeli vale va nga ti zumba mkovani.

Nehemiya 3:1

Eliyasibhe, mphaxeli wa hombe, a to khukha ni vanawe, i ku vaphaxeli kulowe, veya aka Txike txa Sifuyo, atxi va nga txi tsanisa, ve guleta ni matimba a txona; va to aka diguma an'ze ka Txitezi txa Meya, ve di tsanisa kala ka Txitezi txa Hananeli.

Nehemiya 3:4

Se ngu didhawani kwawe, ku to aka Meremote, mwana Uriya, mwana Kozi; ngu didhawani kwakwe kuaka Mesulamu, mwana Bherekiya, mwana Mesezabheli; se didhawa kwakwe ku to aka Zadhoki, mwana Bhahana.