Nehemiya 3:19 - Bhiblia Yo Sawuleka

¹⁹ Se ngu didhawa ka Bhavhayi, Ezeri, mwana Jesuwa, wa hombe wa Misipa a to aketa didhawa dimwani, masoni ka mmango wa nyumba ya matxhari, ngu dikhonani ka kona.

Nehemiya 3:19 Referans Kwoze

2 Makronika 26:9

Kambe Uziya a to aka sitezi kona Jerusalema, ka Txike txa Dikhonani ni ka Txike txa Mkovani, e si tsanisa.

Nehemiya 12:8

Se Valevhi ngu vava: Jesuwa, Bhinuyi, Kadhimiyeli, Serebhiya, Judha ni Mataniya; avava ni vanawe va ti thangela mthumo wa kudhumisa.

Nehemiya 10:9

Se Valevhi ngu vava: Jesuwa, mwana Azaniya, Bhinuyi, wa vanana va Henadhadhe, Kadhimiyeli

Nehemiya 3:15

Txike txa Txisimani txi akilwe ngu Salumi, mwana Koli-Hoze, wa hombe wa ditiko da Misipa; awuwa a to aka, e tshulela e vekela matimba ni sikhiyelo ni sikhweketo sa kona, a to aka kambe diguma da diziva da Sela, hafuhi ni thembwe ya mfumeli, kala ka sivando si si kwitimako, so khukhela Didhoropani ka Dhavhidha.

Nehemiya 3:18

Msana ka Hasabhiya, ku to thuma vanawe i ku: Bhavhayi, mwana Henadhadhe, wa hombe wa hafu yimwani ya ditiko da Keyila.

Nehemiya 3:24

Msana ka Azariya, Bhinuwi, mwana Henadhadhe, a to aka dimwani didhawa, kukhukhela ka nyumba ya Azariya kuya dikhonani ni kala magwito.