Nehemiya 3:15 - Bhiblia Yo Sawuleka

¹⁵ Txike txa Txisimani txi akilwe ngu Salumi, mwana Koli-Hoze, wa hombe wa ditiko da Misipa; awuwa a to aka, e tshulela e vekela matimba ni sikhiyelo ni sikhweketo sa kona, a to aka kambe diguma da diziva da Sela, hafuhi ni thembwe ya mfumeli, kala ka sivando si si kwitimako, so khukhela Didhoropani ka Dhavhidha.

Nehemiya 3:15 Referans Kwoze

Johani 9:7

e di gela ku khene: “Tsula u txi ya samba dizivani ka Silowame (ti ti wombako ku ‘Txirumwa’).” Ti di mahile eto, ene a tsute eya samba, se e wuya a txi wona.

Isaya 8:6

Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya.

Nehemiya 12:37

Va di hokile ka Txike txa Txisima ngu masoni kwawe, va to kwela ha dinerani ka Didhoropa da Dhavhidha ngu ha ko kwela ngu kona diguma, kukhukhela txitimwi ka nyumba ya Dhavhidha an'ze ka Txike txa Mati, ngu didhawa da wutxani.

Luka 13:4

Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani?

Nehemiya 2:14

Se ni to pindelela ni ya ka Txike txa Txisima kala ka diziva da mfumeli; kambe ku singani wukhalo wo pinda ngu ka wona ni txifuyo txile ni nga ti ti gadhile.

Jeremiya 40:6

Jeremiya a to ta ka Gedhaliya, mwana Ahikamu, aniya Misipa, e zumba nayo hagari ka vathu avale va nga sala mu ditikoni.

Nehemiya 3:14

Txike txa Ditala txi akilwe ngu Malakiya, mwana Rekabhi, wa hombe wa ditiko da Bheti-Hakeremi; awuwa a akile e vekela matimba ni sikhiyelo ni sikhweketo sa kona.

Nehemiya 3:12

Se didhawa kwawe ku to aka Salumi, mwana Halowesi, wa hombe wa yimwani hafu ya Jerusalema, ene ni vanana vakwe vamahorana.

Nehemiya 3:9

Se ngu didhawa kwakwe, ku to aka Refaya, mwana Huri, wa hombe wa hafu ya Jerusalema.

Nehemiya 3:7

Se ngu didhawani kwakwe ku to aka Melatiya, Mugibheyoni, ni Jadhomi, Mumeronota, vavamna va Gibheyoni ni Misipa, va nga ti lumba mfumo wa mfumeli wa mtxhatuko ka mnambo.

2 Makronika 32:30

Ngene Ezekhiya wu a nga vhala txisima txa mati a Giyoni, e ma tsimbitisa ngu hahatshi, ngu didhawa da mswa-ditambo ka didhoropa da Dhavhidha, nguko Ezekhiya a di katekisilwe ka mithumo yakwe yotshe.

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

Valamuli 20:3

(Va to tiengisa koko vanana va ka Bhenjamini taku, vanana va ka Israyeli va kwete va txi ya Misipa.) Se vanana va ka Israyeli va to kha vona: “Hi txhamuseleni, yi mahekisile kutxani mhaka ya kona kubiheko kani?”

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Nehemiya 2:17

Sekoko ni to va gela ku khani: Ma wu wona wusiwana wu hi ku ka wona, aku Jerusalema a nga khundumuswa, ni matimba a kona ma nga hiswa; ngonani hi ta aketa diguma da Jerusalema, kasi ku hi si zumbi kambe tinganani.

Nehemiya 3:19

Se ngu didhawa ka Bhavhayi, Ezeri, mwana Jesuwa, wa hombe wa Misipa a to aketa didhawa dimwani, masoni ka mmango wa nyumba ya matxhari, ngu dikhonani ka kona.

Ekleziyaste 2:6

Ni ti mahela sisima sa mati, o theletela ngu ona txitinga txa mindonga yi yi milako.

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.