Nehemiya 2:6 - Bhiblia Yo Sawuleka

⁶ Sekoko mfumeli a to ni gela a di khalahatshile kumweko ni mfumeli wa txisikati a txi khene: I mbimo muni di no heta dipfhumba dako, ni ku wu na wuya nini kani?

Nehemiya 2:6 Referans Kwoze

Nehemiya 13:6

Kambe mndani ka totshe eto, ani ni si nga ho Jerusalema, nguko ngu dilembe da magumi mararu ni malembe mambidi da Aritasasta, mfumeli wa Bhabhilona, ni tile ni ta wonana ni mfumeli; se msana ka masiku okari, ni to kombela kutumelelwa ngu mfumeli.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Nehemiya 5:14

Kambe kukhukhela ka ditshiku dile ni nga vekwa kuva mfumeli wa ditiko da Judha, khukhela ka dilembe da magumi mambidi kala ka dilembe da magumi mararu ni mambidi a kufuma ka mfumeli Aritasasta, i ku digumi da malembe ni mamabidi, ani ni vanathu kha ha dya sakudya sa mfumeli.

Isaya 58:12

Se avale va no huma ngu kwako, va na wusa makhalo a marumbi a kale; kambe u na wusa makhato a liveleko ni liveleko, se va na ku dhana taku u mlulamisi wa mule ko sakala, ni muwusi wa tisoko ta vazumbi va ditikoni.

Nehemiya 2:4

Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Isaya 61:4

Se va na aketa makhalo ale ma nga xaselwa, kambe va na wuseta ni ale ma nga haxulwa kale, ni kuwusa madhoropa ale ma nga xaselwa, ma nga khundumuswa ka liveleko ni liveleko.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Nehemiya 2:5

ni txi khani ka mfumeli: Ngako ti txi tsakisa mfumeli, ni kungako txithumi txako wu txi txi tumela masoni kwako, ni kombela ti to u ni rumela ka ditiko da Judha, ka didhoropa da mathitha a vatate vangu, kuva ni txi ya di aketa.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.