Nehemiya 2:5 - Bhiblia Yo Sawuleka

⁵ ni txi khani ka mfumeli: Ngako ti txi tsakisa mfumeli, ni kungako txithumi txako wu txi txi tumela masoni kwako, ni kombela ti to u ni rumela ka ditiko da Judha, ka didhoropa da mathitha a vatate vangu, kuva ni txi ya di aketa.

Nehemiya 2:5 Referans Kwoze

Ezra 5:17

Konkuwa, ti txi woneka kha kwati ka mfumeli, ku na xolwe ka tithomba ta mfumeli, atile ti ku Bhabhilona, ngako i ti ditshuri kuruma ka mfumeli wa Siro, kasi kuaka yiya Nyumba ya Txizimu kona Jerusalema; se ka mhakeyo, mfumeli a na hi zivise kuranda kwakwe.

Mavingu 3:4

Se u na mana kukateka ni mapimo amanene, masoni ka Txizimu ni ka vathu vavanene.

Esteri 8:5

se a txi khene: Ngako ti txi woneka i di ta tinene ka mfumeli, ni kungako ani ni di mani dithomo masoni kwakwe, ni kungako timhaka tiya ti txi maneka ti di lulamile masoni ka mfumeli, ni ti to ani ni di wule ni tsakisako masoni ka mfumeli, ku na bhalwe ti to kutxitxwa mapapilo ni txikungo txa Hamani, mwana Hamedhata, Muagagi, ale a nga bhala kasi kulovisa Vajudha va va kuho ka otshe matiko a hombe a mfumeli.

Esteri 7:3

Sekoko msikati wa mfumeli Esteri a to xamula, a txi khene: Ngako awe mfumeli ni di mani dithomo masoni kwako, ni kungako ti txi woneka i di ta tinene ka mfumeli, ni na ningwe wutomi wangu nga ha ni kombelako, ni wutomi wa va ka kwathu, madinano ni kuvilela kwangu.

Esteri 5:8

Ngako ni di mani dithomo masoni ka mfumeli, ni kungako mfumeli a txi ti wona kha kwati ku ni xamula txikombelo txangu ni kuvilela kwangu, a nate mfumeli ni Hamani ka m'buso wa hombe, awu ni no mi lulamisela, se mangwana ni na maha madingano ni kuruma ka mfumeli.

2 Samuwele 14:22

Sekoko Jowabhi a to khizama e namisa khohe hahatshi, e bonga ka mfumeli, a txi khene: Nyamsi txithumi txako txa ziva ti to txi mani dikato masoni kwako, awe mfumeli, nyamne wangu, nguko mfumeli a mahile madingano ni dipswi da txithumi txakwe.

Rute 2:13

Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Esteri 1:19

Ngako mfumeli a txi ti tsakela, ku na hume txileleto txa mfumo ngu kwakwe, txi bhalwa ka milayo ya Vapersa ni ya Vamedhi, kambe ku nga txitxwe ti to Vhasta asi swi kambe e veka mkondo wakwe masoni ka mfumeli Asuwero, aniko mfumeli a na ningele mfumo wa Vhasta, ka wamsikati wule a no va wa txhuko kupinda Vhasta.

Matewu 23:27

“Mi na ni dikhombo, anu vabhali ni Vafarisi, vaxengeteli, nguko mi fana ni mayiva a kupendwa ngu mhemba, ma tshurako hahanze, kasi mndani ka ona ma tate ngu marambu a vafi ni lotshe lixaka la nzambwa.

Nehemiya 2:4

Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Nehemiya 2:6

Sekoko mfumeli a to ni gela a di khalahatshile kumweko ni mfumeli wa txisikati a txi khene: I mbimo muni di no heta dipfhumba dako, ni ku wu na wuya nini kani?

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.