Nehemiya 2:4 - Bhiblia Yo Sawuleka

⁴ Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Nehemiya 2:4 Referans Kwoze

Mavingu 3:6

Alakanya ene ka totshe tinzila tako, se ene a na lulamisa tinzila tako.

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Vafilipiya 4:6

Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Marku 10:51

Jesu a to mu wotisa a txi khene: “U lava ni txi ku mahela txani kani?” Wa dibhofu a to angula a txi khene: “M'gondisi, maha ti to ni tshumela ni wona.”

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Esteri 7:2

ngu ditshiku da wumbidi da m'buso wa vhinya, mfumeli a to khene ka Esteri: Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.

Esteri 5:6

mfumeli a to khene ka Esteri, m'busoni ka vhinya: Ngu txihi txikombelo txako kani? Se ni na kuninga. Ngu kuhi kuvilela kwako kani? Ni na kuninga, hambi i di hafu ya mfumo.

Esteri 5:3

Sekoko mfumeli a to khene kwakwe: Njintxani u ku natxo awe msikati wangu Esteri, niku mwendo njikombelo muni u ku natxo kani? Hambi hafu ya mfumo ni na kuninga.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

Nehemiya 2:5

ni txi khani ka mfumeli: Ngako ti txi tsakisa mfumeli, ni kungako txithumi txako wu txi txi tumela masoni kwako, ni kombela ti to u ni rumela ka ditiko da Judha, ka didhoropa da mathitha a vatate vangu, kuva ni txi ya di aketa.

Nehemiya 2:20

Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

Masalmo 136:26

Dhumisani Txizimu txa tinzuma; nguko lirando lakwe nda kala kupinduka!

Mithumo 23:19

Mthangeli a to mñola ngu diwoko, eya nayo phuho, eya mu wotisa, a txi khene: “I mhaka muni u lavako ku ni gela kani?”