Nehemiya 2:3 - Bhiblia Yo Sawuleka

³ ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Nehemiya 2:3 Referans Kwoze

Nehemiya 1:3

Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Dhaniyeli 2:4

Se Vakaldheya va to kha vona ka mfumeli ngu txisiriya: Awe mfumeli, hanya kala kupinduka! Hi gela mloro athu sithumi sako, hi na wutxhamusela.

1 Vafumeli 1:31

Sekoko Bhate-Xebha a to nama a txi zimamisa khohe hahatshi, a txi ti sola masoni ka mfumeli, a txi khene: “A na hanye mfumeli Dhavhidha, nyamne wangu, yotshe mbimo!”

Dhaniyeli 5:10

Mfumeli wu i ku mame wa mfumeli, ngu mhaka ya mapswi a mfumeli ni a vahombe vakwe, a to wulela nyumbani ka m'buso wa hombe, e womba, a txi khene: “Awe mfumeli, hanya kala kupinduka!” Ma nga karateke mapimo ako, ni khohe yako yi nga txitxe.

Masalmo 137:6

Ngako ni txi kudivala, awe Jerusalema, ngako ni si ku guleti txitimwi ka si ni si tsakelako, lidimi langu li na namara mkanani kwangu.

Dhaniyeli 6:21

Sekoko Dhaniyeli a to khene ka mfumeli: Awe mfumeli, hanya ngu ha ku sigwitiko!

Dhaniyeli 6:6

Sekoko vathangeli vava ni vafumeli, va to tsula votshe ka mfumeli, va txiya kha vona kwakwe: Awe mfumeli Dhariyo, hanya ngu ha ku sigwitiko!

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

2 Makronika 32:33

Ezekhiya a to otela ni vatate vakwe, eya tshotshwa ka mathitha a txitimwi a vanana va ka Dhavhidha. Vathu votshe va ditiko da Judha ni vahanyi va Jerusalema va to mudila kufani kwakwe, se mwanakwe Manasi a to fuma ka wukhalo wakwe.

2 Makronika 28:27

Akazi a to otela ni vatate vakwe, veya mtshotsha didhoropani ka Jerusalema, aniko kha va m'veka ka mathitha a vafumeli va ka Israyeli, se mwanana wakwe Ezekhiya, a to fuma ka wukhalo wakwe.

2 Makronika 21:20

A khatile kufuma a ti ni tanga ya magumi mararu a malembe ni malembe mambidi, a to fuma Jerusalema mtxhanu wa malembe ni mararu; a to fa, asi dilwi ngu m'thu, ve mtshotsha Didhoropani ka Dhavhidha, hambi keto, kha ya tshotshwa ka mathitha a vafumeli.

Dhaniyeli 3:9

Se va to womba va txi kha vona ka mfumeli Nebhukodhonosori: Awe mfumeli, hanya kala kupinduka!

Masalmo 102:14

Sithumi sako sa ma randa marigwi akwe, si na ni wusiwana ngu marumbi akwe.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

2 Vafumeli 25:8

Se ka mtxima wa wutxhanu, ka ditshiku da mtxhanu ni mambidi ka mtxima (adiya i ti ti dilembe da digumi ni mtxhanu ni mune da Nebhukodhonosori, mfumeli wa Bhabhilona), a tile Nabhuzaradhani, mthangeli wa yimbi, txithumi txa mfumeli wa Bhabhilona, kona Jerusalema.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

Nehemiya 2:13

Se ni to huma ni wusiku ngu Txike txa Mkovani, ngu didhawa da Txisima txa Dragoni ni ngu didhawa da Txike txa Ditalani, ni wonisisa maguma a Jerusalema, a ma nga ti ti khundumusilwe, ni matimba a kona ma nga ti ti hisilwe ngu mndilo.

Jeremiya 52:12

Se ngu mtxima wa wutxhanu, ka ditshiku da wugumi da mtxima (i ti dilembe da wugumi ni mtxhanu ni mune da kufuma ka Nebhukodhonosori), a tile Nebhuzaradhani, mthangeli wa vawoneleli, awu a nga txi wonelela mfumeli, va to wulela Jerusalema.

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

Masalmo 38:7

Txiwunu txangu txa hisa ngutu; wotshe mmidi wangu wa panda!

Masalmo 102:15

Sekoko yotshe mifumo yi na thava ditina da Mkoma votshe vafumeli va ha mafuni va dhumisa wuhombe wakwe,