Nehemiya 2:20 - Bhiblia Yo Sawuleka

²⁰ Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

Nehemiya 2:20 Referans Kwoze

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Ezra 4:3

Sekoko Zorobhabheli ni Jesuwa, ni vamwani vathangeli vavatate va ka Israyeli, va to kha vona: Kha ti laveki ati to anu ni nathu hi akela nyumba Txizimu txathu; aniko athu hokha, hi na muakela nyumba Mkoma, Txizimu txa ka Israyeli, nga ti hi nga leletiswa tona ngu mfumeli Siro, mfumeli wa Persiya.

Nehemiya 2:4

Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Ekleziyaste 7:18

Ndinene ku u txi ti veketa eto, kambe u nga thavise dianza dako ka tona; nguko awule a thavako Txizimu wa huluka ka totshe eto.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Zakariya 6:14

Se mibhoti yiya yi na va ya Helemi, ni Tobhiya, ni Jedhaya, ni Hemi, mwana Zefaniya, yi na maha txyalakanyiso dithepeleni ka Mkoma.

Masalmo 122:6

Kombelelani kudikha ka Jerusalema. Va na humelela vale va randako kudikha.

Esteri 4:11

Sotshe sithumi sa mfumeli ni votshe vathu va matiko a hombe a mfumeli, va tiziva kha kwati ti to ni wihi wamwmna mwendo wamsikati a wulelako ka mfumeli, mndani ka mtendela wa mndani, na a sa dhanwa, a veketwe mlayo wumwewo, wa kufa, hahanze ko mfumeli e m'guletela ndonga ya nzalama, kasi ku e hanya; se ani, ka masiku awa a magumi mararu, kha ni dhanwi kasi kuwulela ka mfumeli.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

Mitengo 10:10

Atiya, ti maheni hambi ka masiku a mibuso yanu ya kutsaka, kukhatani ka mtxima mi na veta mipundu, mbimo yi mi ningelako miphaxo yanu ya kuhiswa ni ya kubonga, kasi ku Txizimu txi mi alakanya. Nguko ngani Mkoma, Txizimu txanu.”

Eksodha 28:29

Ngako Aroni a txi wulela ka wukhalo wo sawuleka, a na teka ngu mbiluni kwakwe matina a vanana va ka Israyeli aale ma nga bhalwa hakhana ngu mapimo, ku no va i di txixambanyo txa kala kupinduka, masoni ka Mkoma.

Levhi 24:7

Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita.

Levhi 2:2

A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.