Nehemiya 2:19 - Bhiblia Yo Sawuleka

¹⁹ Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

Nehemiya 2:19 Referans Kwoze

Nehemiya 6:6

Se ka dona ku ti bhatwe tiya: Ku pfate hagari ka vathu ni ka Geseni kuwombwa tito, awe ni Vajudha mi lava kumaha txigirimuka, nguko mi akako diguma; niku awe u ti maha mfumeli wawe, madingano ni kuwomba ka mapswiyo;

Marku 5:40

Vona va to khata ku mu seka. Aniko Jesu a to humisa hahanze votshe vathu vale, a txi teka dwe tate ni mame wa mwanana wule wa txihoranana, kumweko ni vale va nga ti tile nayo, e wulela ka wukhalo wu a nga ti otelisitwe kona mwanana.

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Johani 19:12

Kukhukhela ka yona yile mbimo, Pilato a ti zama ku mu thukunyula, kambe Vajudha va so kwangula, va txi kha vona: “Ngako u txi mu thukunyula, khu engisani ni Khezari, nguko wuhi ni wuhi a ti mahako mfumeli, a kanyisa Khezari.”

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

Masalmo 80:6

U hi mahile tikhumbi ti mifumo ya vaakelani yi bangelanako ngu tona, u lekile valala vathu va txi hi ruketela.

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Jobe 30:1

Se konakuwa, mbanana vavadotho va ni sekako, evo vatate vawe ni nga nyenya ku va veka kumweko ni timbwa to wonelela mitxhambi yangu.

Nehemiya 6:9

Nguko votshe va ti lava ku ni dhukisela, va txi kha vona: Manza awe ma na leka mthumo, se mthumo kha wu na mbi tsimbila. Konkuwa koko, awe Txizimu, tsanisa manza angu.

Nehemiya 4:1

Se ku to maheka tito, Sambalati a di ti pfite to ha aka diguma, a to tura ngu txiviti, e henya ngutu, aniko a to tseketsela Vajudha.

Nehemiya 2:10

Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Matewu 9:24

“Khukhani mi tsula, nguko awu wa txihoranana kha fa, a to otela.” Se vona va nje ku mu seka.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Masalmo 123:4

Timbilu tathu ta kolwa ngu kuvengelwa ngu vale vo zumbiseka ni kupoyilelwa ngu vale vo tiguleta!

Jeremiya 41:10

Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.

Masalmo 80:7

Awe Txizimu txa Mabutho a Tiyimbi; tshumela u hi wusa, hi kombe liwoningo la khohe yako, kasi hi na hanya!

Isaya 36:5

Ani na sikota kuwomba tiya: Txikungo txako, ni mtamo wako wa kuya yimbini, mapswi o mbi na txilo; se konkuwa koko u themba mani, aku u ni wukelako kani?