Nehemiya 2:18 - Bhiblia Yo Sawuleka

¹⁸ Sekoko ni to va gela nga ha dianza da Txizimu txangu di nga ni mahela wunene, ni mapswi ale mfumeli a nga ti ma wombile kwangu. Sekoko va to kha vona: Ahi khukheni hi aka! Se va to ti ningetetela kumaha mthumo wa wunene.

Nehemiya 2:18 Referans Kwoze

Vafilipiya 2:13

Kha ditshuri Txizimu ngu txona txi mahako ti to mi xuva ni kuthuma kuranda ka txona.

2 Makronika 32:5

Se ene a to tsana ngutu e aketa dotshe diguma adi di nga ti khundumusilwe, ve di laphisa kala sidingililelo, e aka dimwani diguma ngu hahanze e tsanisa Milo didhoropani ka Dhavhidha, atxi ti mahela matxhari amangi ni sivhikelo sasingi.

1 Makronika 19:13

Tsana, a hi tsaneni hi lwela vathu vathu, ni madhoropa a Txizimu txathu, se Mkoma a na mahe ti ti wonekako i di ta tinene masoni kwakwe.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

2 Samuwele 2:7

Se konkuwa koko, tsanisani manza anu, mi va vavamna va tindena, nguko Sawule, nyamne wanu a datwe, kambe va nyumba ya ka Judha va ni totile kuva mfumeli txitimwi kwawe.

1 Makronika 11:10

Avava ngu vona vathangeli va tindena, vale Dhavhidha a nga ti navo, vale va nga m'vhunetela ngutu ka mfumo wakwe, ni votshe va ka Israyeli, kasi ku mmaha mfumeli, madingano ni dipswi da Mkoma, ngu Israyeli.

1 Samuwele 23:16

Sekoko Jonatani, mwana Sawule a to khukha eya ka Dhavhidha txitingani e tsanisa dianza dakwe ka Txizimu,

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.