Nehemiya 2:13 - Bhiblia Yo Sawuleka

¹³ Se ni to huma ni wusiku ngu Txike txa Mkovani, ngu didhawa da Txisima txa Dragoni ni ngu didhawa da Txike txa Ditalani, ni wonisisa maguma a Jerusalema, a ma nga ti ti khundumusilwe, ni matimba a kona ma nga ti ti hisilwe ngu mndilo.

Nehemiya 2:13 Referans Kwoze

Nehemiya 1:3

Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Nehemiya 2:17

Sekoko ni to va gela ku khani: Ma wu wona wusiwana wu hi ku ka wona, aku Jerusalema a nga khundumuswa, ni matimba a kona ma nga hiswa; ngonani hi ta aketa diguma da Jerusalema, kasi ku hi si zumbi kambe tinganani.

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

2 Makronika 26:9

Kambe Uziya a to aka sitezi kona Jerusalema, ka Txike txa Dikhonani ni ka Txike txa Mkovani, e si tsanisa.

Nehemiya 12:31

Sekoko ni to kweta vathangeli va ka Judha txitimwi ka diguma, se ni veka mitxawa yimbidi ya hombe ya vaembeleli. Mtxawa wumwewo ngu didhawa da txinene txitimwi ka diguma, ka didhawa da Txike txa Ditalani.

Nehemiya 2:15

Sekoko ni wusiku ni to kwelela ngu txinambwanani ni ya wonisisa diguma; ni wuya, ni ta wulela ngu Txike txa Mkovani.

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Nehemiya 2:12

Se ni to wuka ni wusiku, ani ni vavamna vokari, kambe kha na gela m'thu a ti Txizimu txangu txi nga ti ti vekile mbiluni ku ni ya ti mahela Jerusalema; hambi txihari ni si nga natxo, hahanze ka txile ni nga ti ti gadhile.