Nehemiya 2:10 - Bhiblia Yo Sawuleka

¹⁰ Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Nehemiya 2:10 Referans Kwoze

Nehemiya 4:7

Se mbimo yile Sambalati, ni Tobhiya, ni Vaarabhi, ni va ka Amoni, ni va ka Asidhodhe va nga tiengisa taku mthumo wo longisa maguma a Jerusalema wu ya masoni, va to henya ngutu.

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Nehemiya 13:4

Hahanze keto, Eliyasibhe, mphaxeli, a nga ti xayisa Nyumba ya Txizimu txathu, a ti mahile wuxaka ni Tobhiya;

Nehemiya 6:1

Ku to maheka kambe ti taku, Sambalati, Tobhiya, Geseni, muarabhi, ni vamwani valala vathu, va di pfite ti to ani ni akile diguma, ni ti to ka dona kha ku na lisoko lo kari, hambi ku ka mbimo eyo ni sanzi kuvekela matimba ha sikeni.

Mithumo 5:24

Sekoko mthangeli wa vawoneleti va Dithepele ni vaphaxeli va hombe, ngako va txi pfa mahungu awa, va to dhuka ngu ona, va txi kha vona: “Mhaka yiya yi na gumela hani?”

Mithumo 4:2

ve va henyela ngu kuwona ti to va gondisa vathu ni kunuwela kuwuka ka vafi ngu mhaka ya kuwuka ka Jesu kufani.

Jeremiya 48:34

Ku pfate huwa ya Hesibhoni kala Eleyale ni Jahazi, ni kukhukhela Zowari kala Horonayime, di pfate dipswi dakwe, nga dirole da malembe mararu; nguko hambi mati a Nimrime, ma nava ma ti phwite.

Jeremiya 48:5

Nguko aha va no kwela Luhite va na engetekelana kudila; nguko kutxhika kwawe ngu Horonayime, valala va Mowabhi va pfite kudila ka hombe.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Ekleziyaste 10:7

Ni woni tikhumbi ti di gadhile mahantxhi, ni vathangeli va nga ti ti tsimbila ngu mikondo, kufana ni tikhumbi ha mafuni.

Mavingu 30:22

I ku txithumi mbimo yile txi ku ta fuma; ni txiphukuphuku ngako txi txi khura ngu sakudya;

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Nehemiya 13:1

Ka ditshiku dile, ku to gondwa mu ka dibhuku da Mosi, tinzeveni ka vathu; se ka dona ku to maneka taku, va ka Amoni ni va ka Mowabhi, va nga swe ve wulela ka msengeletano wa Txizimu,

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Jeremiya 41:10

Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.