Nehemiya 13:5 - Bhiblia Yo Sawuleka

⁵ se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.

Nehemiya 13:5 Referans Kwoze

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

Nehemiya 10:38

Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo.

2 Makronika 34:11

Yimwani ve ninga vavati ni vaaki, kasi ve xava marigwi o vatwa ni tiphande to tsanisa ngu tona diseta da tinyumba ti ti nga hasulelwa ngu vafumeli va ka Judha.

Nehemiya 10:37

Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

Nehemiya 13:7

Ngu kumaha keto, ni to ta Jerusalema, ni ta pfa wubihi wu a nga wu maha Eliyasibhe, kasi kusiza Tobhiya, ngu ku mmahela nyumba mitendelani ka Nyumba ya Txizimu,

Ezekhiyele 40:38

Nyumba ya kona ni txike txo wulela ngu txona, si ti ti hafuhi ni tisika ta mihubhe, yile va nga txi kuwula ka yona miningelo ya kuhiswa.

2 Makronika 31:11

Ezekhiya a to leleta kuva txi longisa sinyumbana Nyumbani ka Mkoma, se ve maha toneto.

Nehemiya 10:36

Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.