Nehemiya 13:3 - Bhiblia Yo Sawuleka

³ Ku to maheka koko taku va di pfite mlayo wuwa, va to thavisa ka Israyeli totshe tixaka ti ngadi patanelani.

Nehemiya 13:3 Referans Kwoze

Nehemiya 9:2

Se liveleko la ka Israyeli li to ti hambanisa ni votshe vamatiko, se ve ema ve ti tshanza ngu mhaka ya sionho sawe ni wubihi wa vatate vawe.

Eksodha 12:38

Ku to huma kumweko navo dibutho da hombe da vathu va tixaka to hambana, ni tinvuta ni tihomu, ni simwani sihari sasingi ngutu.

Nehemiya 10:28

Se vamwani vathu, vaphaxeli, ni Valevhi, ni va vawoneleli va sike, ni vaembeleli, vanetine ni votshe va va nga ti hambanisa ni vathu va matiko ka Mlayo wa Txizimu, vasikati vawe, vanana vawe va vafana, ni vanana vawe vamahorana, totshe titxhari, ni vale va nga ti ti ni mtamo wo pfisisa

Mitengo 11:4

Ka wungi wa valuveli va nga ti zumbile navo, va to tala ngu kunavela kudya nyama; ni vona vanana va ka Israyeli, va to engeta ve dila ngu kulava nyama kudya. Va txi kha vona: “I mani a no hi ninga nyama hi txi dya kani?

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Masalmo 119:11

Ni vekile mbiluni kwangu mahungu ako, kasi ku ni si ku onheli.

Masalmo 119:9

Di na sikotisa kutxani dijaha kululamisa nzila ya wutomi wa dona kani? Ngu kuva di txi xayisa sileleto sako!

Ezra 10:11

Sekoko, anu ti soleni masoni ka Mkoma, Txizimu txa vatate vanu, mi maha kuranda ka txona; hambanani ni vathu va matiko, ni vasikati va matiko.

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.