Nehemiya 13:27 - Bhiblia Yo Sawuleka

²⁷ Se hi nga tumelisa kutxani ti to mi maha wotshe wubihi wuwa wa hombe, mi onhela Txizimu txathu ngu kutekana ni vavasikati va matiko kani?

Nehemiya 13:27 Referans Kwoze

Ezra 10:2

Sekaniya, mwana Jeyeli, mmweyo wa vanana va Elamu, a to xamula a txi khene ka Ezra: Athu hi ti nga eyisa Txizimu txathu, hi tekile vasikati va mamwani matiko, hambi keto, ka yona mhakeyo, ku nga diho kuthemba ka Israyeli.

1 Samuwele 30:24

Se i mani wu a ndi no mi engisa ka to fana ni tiya kani? Nguko txyavelo txa vale va nga ti ti yite yimbini txi na lumba vale va nga ti ti sate ni thundu; va na abaniselwa ngu kufana.

Nehemiya 13:23

Ni wona Vajudha va vale va ngadi tekani ni vavasikati va ka Asidhodhe, ni va ka Amoni, ni va ka Mowabhi.

Ezra 9:14

ina hi na engeta kambe kuwa, hi ndaka sirumo sako ni ku ti patanisa ni vathu va manyala kani? Ina khu na kuhenya awe kuwa, u hi wukela ni ku hi heta hotshethu, kuza ku si sali ni wammweyo wo huluka kani?

Nehemiya 10:31

ni tito, ngako vamatiko va txi tisa ni tihi tithomba, mwendo titshenda to kari kasi ku ta xavisa ngu ditshiku da Sabbata, mwendo ngu ditshiku do sawuleka, kha hi na mbi va xavela ka ditshiku edo. Se hi nava ni txhatxhazelo ka dilembe da wutxhanu ni mambidi, ni kudivalelana yotshe minandu.