Nehemiya 13:26 - Bhiblia Yo Sawuleka

²⁶ Ina hi nga toneto Solomoni, mfumeli wa ka Israyeli, a nga onha ngu tona, ku si nga ngadi ni mfumeli wo nga ene hagari ka matiko o tala, wa ku randwa ngu Txizimu txakwe, se Txizimu txi mveka kuva mfumeli wa dotshe ditiko da ka Israyeli kani? Hambi keto vavasikati va matiko, va to muonhisa.

Nehemiya 13:26 Referans Kwoze

1 Vafumeli 3:13

Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

2 Makronika 1:12

Wuzivi ni wutxhari ni na kuninga, se kambe na kuninga tithomba, ni mikhokhola, ni nduma, asile si nga mbi manwa ngu mfumeli wo khata, kha si na mbi manwa ngu m'thu ka vale vatako msana kwako.

2 Makronika 9:22

Sekoko mfumeli Solomoni a to pinda (pala) votshe vafumeli va ha mafuni ngu tithomba ni wuzivi.

Mavingu 31:3

U nga ningele mtamo wako ka vavasikati, hambi tinzila tako ka wule a khundumusako vafumeli.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

1 Vafumeli 4:1

Ngu toneto, Solomoni a to va mfumeli wa dotshe ditiko da ka Israyeli.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.