Nehemiya 13:17 - Bhiblia Yo Sawuleka

¹⁷ Se ni to lwisana ni sikhumukani sa ka Judha, ni si gela tiya: Wubihi muni wuwa mi wu mahako, ngu kunyenyezisa ditshiku da Sabbata kani?

Nehemiya 13:17 Referans Kwoze

Nehemiya 13:11

Sekoko ni to lwisana ni vafumeli ni txi khani: Yi lekelwa txani Nyumba ya Txizimu kani? Se ni to va sengeleta ni va tshumetela mithumoni kwawe.

Nehemiya 13:25

Se ni to ya lwisana navo, ni va ruketela, vamwani kwawe ni va peka, ni va dulela misisi, se ni va xambanyisa ka Txizimu ni txi khani: Mi nga lowoliseni kambe vanana vanu vamahorana ka vanana vawe va majaha, mi nga tekeni kambe vanana vawe vamahorana m i ninga vanana vanu va majaha, hambi ku ti tekela anu mi pune.

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Mika 3:1

Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

Mavingu 28:4

Avale va lekako mlayo va dhunda muonhi; aniko ava va xayisako milayo va lwisana navo.

Nehemiya 5:7

Se ni to alakanya mbiluni kwangu; ngu msana, ni to lwa ni sikhumukani ni valamuli, ni va gela tiya: Mmwani ni mmwani a nga bhindule ngu ka mwanawe. Aniko ni to va rambela msengeletano wa hombe.

Nehemiya 13:16

Kambe vathu va Tiri vale va nga ti akile Jerusalema, va ti tisa sihaka ni thundu yotshe, ku ta xavisa ngu Sabbata, ka vanana va ka Judha, ni Jerusalema.

Levhi 19:17

U nga vengele wa ka kwanu mbiluni kwako; mkawuke ngako ti txi laveka, u si wi txionhoni ngu mhaka yakwe.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.