Nehemiya 13:14 - Bhiblia Yo Sawuleka

¹⁴ (Ngu mhaka ya tiya, awe Txizimu txangu, ni alakanye, u nga pfhite mithumo ya lirando yi ni nga yi maha Nyumbani ka Txizimu ni ka vawoneleli va yona.)

Nehemiya 13:14 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Nehemiya 13:31

ni lulamisa ni mningelo wa tikhuni, ngu timbimo ta kona, ni matiwula. Ni alakanye, awe Txizimu txangu, ka ta tinene.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Ezra 7:20

Simwani sile si no laveka Nyumbani ka Txizimu txako, u no lava ku si ningela, u na dihela ngu tithomba ta nyumbani ka mfumeli.

Nehemiya 5:19

Awe Txizimu txangu, ni alakanye ka totshe ti ni mahelako vathu vava.

2 Makronika 24:16

Se va to mtshotsha Didhoropani ka Dhavhidha, kumweko ni vafumeli vamwani, nguko a ti ti mahile to lulama masoni ka va ka Israyeli, ni ka Txizimu, ni ka nyumba ya txona.

1 Makronika 29:3

Se ngu kudhunda kwangu Nyumba ya Txizimu txangu, ni na ningela nzalama ni silivhela, ni si ningela Nyumbani ka Txizimu txangu, hahanze ka sotshe siya ni nga lulamisela nyumba yo sawuleka.

Ezra 7:27

A na dhumiswe Mkoma, Txizimu txa vatate vathu, a nga thela timhaka tongeto mbiluni ka mfumeli, kuva hi tshurisela Nyumbani ka Mkoma, kona Jerusalema.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

Isaya 38:3

A txi khene: Awe Mkoma, alakanya, na ku kombela, ti to ni tsimbite ditshurini masoni kwako, ngu kuthembeka, kambe ni mahile to lulama masoni kwako. Se a to dila ngutu Ezekhiya.