Nehemiya 13:13 - Bhiblia Yo Sawuleka

¹³ Se ko xayisa timale, ni to veka Selemiya, mphaxeli, ni Zadhoki, mabhalani, ni Pedhaya, mmweyo wa Valevhi; kumweko ni Hanani, mwana Zakuri, mwana Mataniya; nguko va manekile va di thembekile, se va to rwekwa mthumo wo phakela vanawe.

Nehemiya 13:13 Referans Kwoze

Nehemiya 7:2

Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala;

2 Vafumeli 22:7

Kha va nga londiselwa ka mhaka ya male yile va nga ti ti ningilwe manzani kwawe, nguko va ti ti yi thumisa ngu kuthembeka.

1 Vakorinto 4:2

Se vaaveli ta laveka va txi maneka i di vo thembeka.

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

2 Vafumeli 12:15

Kambe va ti si kombeli m'biko wa mthumo wa male yile, nguko i ti ti vo thembeka amu ka mathumiselo a male, va txi ningela ka vale va nga txi maha mthumo wa kona, nguko va txi maha ngu kuthembeka.

1 Timoti 3:10

Nivona kulaveka i di vathu va va nga thanga ngu kudukwa, se ngu msana, ngako va txi maneka va si nga ni txisolo, va na thume mthumo wawe.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Mithumo 4:35

va txi ningela ka Vapostoli se vona va txi avela mmweyo ni mmweyo, kota nga ti a nga txi si pwatisa tona.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Nehemiya 12:35

ni vamwani va vanana va vaphaxeli, va nga ti ni mipundu: Zakariya, mwana Jonatani, mwana Semaya, mwana Mataniya, mwana Mikaya, mwana Zakuri, mwana Asafe,

Nehemiya 11:22

Sekoko mthangeli wa va ka Levhi kona Jerusalema, i ti ti Uzi, mwana Bhani, mwana Hasabhiya, mwana Mataniya, mwana Mika, mwana Asafe, vaembeleli, ka mthumo wa Nyumbani ka Txizimu.

Nehemiya 10:12

Zakuri, Bhani, Bheninu.

Nehemiya 8:4

Se Ezra, mabhalani, a to ema txitimwi ka wurathu wa mapulango, va nga ti ti wu mahete mthumo wule. Hafuhi kwakwe ngu didhawa da txinene ku ti ti emile Matitiya, ni Xema, ni Anaya, ni Uriya, ni Hilikiya, ni Mahaseya; se ka didhawa da txibhabha ku ti ni Pedhaya, ni Mixayeli, ni Malikiya, Hasumi, ni Hasibhadhana, ni Zakariya, ni Mesulamu.

Nehemiya 3:30

Msana ka Semaya, Hananiya, mwana Selemiya, ni Hanumi, mwanana wa wutxhanu ni mmweyo wa Zalafi, va to aketa dimwani didhawa. Msana kwawe Mesulamu, mwana Bherekiya, a to aketa dimwani didhawa, ngu masoni ka nyumba yakwe.

Nehemiya 10:38

Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo.

2 Vafumeli 12:16

Aniko male ya mningelo wa kudivalelwa, ni mningelo wa txionho, yi si tiswi Nyumbani ka Mkoma; kambe yi txi lumba vaphaxeli.