Nehemiya 13:12 - Bhiblia Yo Sawuleka

¹² Sekoko, dotshe ditiko da Judha di to tisa sa wugumi sa tindoho, ni vhinya, ni mtona, amu sisangalani.

Nehemiya 13:12 Referans Kwoze

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

Dhewuteronome 14:22

Ngu ditshuri u na ninga sa wugumi ngu ka mihando yako ya yiphya, ayi u no elula dilembe ni dilembe thembweni kwako.

Levhi 27:30

Sotshe si i ku sa didhawa da wugumi, asi i ku timbewu to elulwa amu tithembweni, mwendo mihando ya mindongani, nza Mkoma, si lumba Mkoma.

2 Makronika 31:5

Msana ka kuva txiziviso txi di zivilwe ngu vanana va ka Israyeli va to tisa fulaho yayingi yo khata, ni vhinya ya yiphya, ni mtona ni wulombe ni simwani ngu kutala ka sona sa thembweni ve ningela ni sa wugumi wa simaha sotshe si va nga funyela tithembweni kwawe.

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.

2 Makronika 31:4

A to ruma vathu, vahanyi va Jerusalema kuningela txyavelo ka vaphaxeli ni Valevhi kasiku ve mana mtamo wo khatalela Mlayo wa Mkoma.