Nehemiya 13:10 - Bhiblia Yo Sawuleka

¹⁰ Ni to mana kambe ti to Valevhi kha va ningwa txyavelo txawe txatxidotho, ni ti to Valevhi ni vaembeleli, avale va nga ti thuma va tutumile, mmwani ni mmwani eya ditikoni kwakwe.

Nehemiya 13:10 Referans Kwoze

Nehemiya 10:37

Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.

Nehemiya 12:47

Sekoko ka masiku a Zorobhabheli ni ka masiku a Nehemiya, votshe va ka Israyeli va ti ti ningela sakudya sa vaembeleli ni sa vawoneleli va sike, ka mmweyo ni mmweyo ngu ditshiku dakwe; se va ti ti si sawulekisela Valevhi, ni vona Valevhi ve si sawulekisela vanana va Aroni.

Dhewuteronome 12:19

Ti wonele u si divali Mulevhi, ka otshe masiku a kuhanya kwako, amu mafuni.

Mitengo 35:2

Ruma vanana va ka Israyeli taku, ka makhalo awa ma no va thomba yawe, ningani Valevhi madhoropa awa va no zumba ka ona; mi va wilela ni ko dyisa kona sifuyo sawe, hafuhi kwawe.

Nehemiya 10:39

Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli. Se ngu mamahelo eyo kha yi na mbi leka Nyumba ya Txizimu txathu.

2 Makronika 31:4

A to ruma vathu, vahanyi va Jerusalema kuningela txyavelo ka vaphaxeli ni Valevhi kasiku ve mana mtamo wo khatalela Mlayo wa Mkoma.

Isaya 43:23

Khwa ni tisela sifuyo sa sidotho sa miningelo ya kuhiswa, mwendo ku ni dhunda ngu miphaxo yako; kha na kunemetisela ngu miningelo, hambi ku ku rera ngu dibaselo.