Nehemiya 12:46 - Bhiblia Yo Sawuleka

⁴⁶ Nguko ka masiku a Dhavhidha ni a Asafe, kukhukhela ka kale ku ti ti ni vathangeli va vaembeleli, ni tindando to dhumisa ni to bonga Txizimu.

Nehemiya 12:46 Referans Kwoze

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Masalmo 73:1

Kha ditshuri Txizimu njinene ka vathu va ka Israyeli, ka va vo basa timbilu!

1 Makronika 9:33

Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

Masalmo 137:4

Aniko hi ndi na sikotisa kutxani kuembelela tindando ta Mkoma, ditikoni ka vane kani?

Nehemiya 11:17

se Mataniya, mwana Mika, mwana Zabhedhi, mwana Asafe, mthangeli wu a nga khata mkombelo wa kubonga, ni Bhakebhukiya, i nga ti ti wa wumbidi ka vanawe; kulondeta Abhidha, mwana Samuwa, mwana Galali, mwana Jedhutuni.