Nehemiya 12:43 - Bhiblia Yo Sawuleka

⁴³ Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

Nehemiya 12:43 Referans Kwoze

Ezra 3:13

Aha kaku ku si zivaneki kuhambana ka mapswi a kutsaka ni a kudila ka vathu; nguko vathu va to tsaka ngu kutsaka ka hombe ngutu, kuza mapswi me pfala kule ngutu.

Masalmo 92:4

Mithumo yako ya hombe, Mkoma, ya hi tsakisa! Mithumo yako ya hi ninga kuembelela ngu yotshe mbilu.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Jakobe 5:13

Wa ho wa kuxaniseka hagari kwanu, kani? A na khongele. Wa ho wa kutsaka hagari kwanu, kani? A na embelele tindando ta kudhumisa.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Johani 16:22

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.

Matewu 21:15

Ngu mhaka ya sixamaliso si a nga ti si maha, ni vanana va nga ti embelela Dithepeleni va txi kha vona: “Hozana ka Mwanana wa Dhavhidha,” vaphaxeli va hombe ni vabhali va to henya,

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

2 Makronika 20:27

Sekoko, votshe va Judha ni va Jerusalema, va to tshumela veya Jerusalema ngu kutsaka. Josafati a to thangela masoni kwawe, nguko Mkoma a di va tsakisile ngu kuvaninga kuxula ka valala vawe.

2 Makronika 20:13

Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

2 Makronika 7:10

Ngu ditshiku da magumi mambidi ni masiku mararu, ka mtxima wa wutxhanu ni wumbidi, mfumeli Solomoni a to hangalasa vathu, se va to tsula matendani kwawe, va di tsakile ngutu ta tinene, ngu mahaka ya totshe ta tinene tile Mkoma a nga mahela txithumi txakwe Dhavhidha, ni Solomoni, ni vathu vakwe va Israyeli.

1 Samuwele 4:5

Se ku to maheka tito, di di hokile dibhokiso da txitumelelano txa Mkoma wugoveloni, votshe va ka Israyeli va to tsaka ngu litsako la hombe, ha koza ni mafu me zinginika.

Mitengo 10:10

Atiya, ti maheni hambi ka masiku a mibuso yanu ya kutsaka, kukhatani ka mtxima mi na veta mipundu, mbimo yi mi ningelako miphaxo yanu ya kuhiswa ni ya kubonga, kasi ku Txizimu txi mi alakanya. Nguko ngani Mkoma, Txizimu txanu.”

Nehemiya 12:42

kufana kambe ni Mahaseya, ni Semaya, ni Eleyazari, ni Uzi, ni Jowanani, ni Malikiya, Elame, Ezeri; se vaembeleli va ti ti embelela kumweko ni Jeziraya, mthangeli.

Masalmo 9:2

Ni na tsaka ngu litsako la hombe ngu ngawe, ni na embelela tindando ta kudhumisa ditina dako, awe Txizimu Nyatxitimwi.

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.