Nehemiya 12:39 - Bhiblia Yo Sawuleka

³⁹ se kukhukhela ka Txike txa Efrayime, ni kukhukhela ka Txike txa Kale, ni kukhukhela ka Txike txa Sihaka, ni ka Txitezi txa Hananeli, ni ka Txitezi txa Meya, an'ze ka Txike txa Sifuyo; se va to ya ema ka Txike txa Mkorani.

Nehemiya 12:39 Referans Kwoze

Nehemiya 3:1

Eliyasibhe, mphaxeli wa hombe, a to khukha ni vanawe, i ku vaphaxeli kulowe, veya aka Txike txa Sifuyo, atxi va nga txi tsanisa, ve guleta ni matimba a txona; va to aka diguma an'ze ka Txitezi txa Meya, ve di tsanisa kala ka Txitezi txa Hananeli.

Nehemiya 8:16

Sekoko vathu va to tsula, veya lava matshanzu ve ta ti mahela midhuti yawe, mmwani ni mmwani txitimwi ka nyumba yakwe, ni digumani kwakwe, ni mitendelani ka Nyumba ya Txizimu, ni ka mtendela wa Txike txa Mati, ni ka mtendela wa Txike txa ka Efrayime.

Nehemiya 3:6

Se Joyadhi mwana Paseya ni Mesulamu mwana Bhesodhiya va to aka Txike txa Kale, avava va to kelele tiphande, ve vekela matimba a kona, ni sikhiyelo sa kona ni sikhweketo sa kona.

Nehemiya 3:3

Se Txike txa Sihaka txi akilwe ngu vanana va Hasenaha, ve kelela tiphande ta kona, ve vekela matimba a kona, ni sikhiyelo sa kona ni sikhweketo sa kona, ni matimba a kona a tisimbi.

Nehemiya 3:25

Palali, mwana Uzayi, a to aka kukhukhela masoni ka dikhona ni ka txitezi txi txi khukhelako ka nyumba ya txitimwi ya wukoma, yi ku hafuhi ni diguma da mkorani. Msana ka Palali, ku to aka Pedhaya, mwana Paro,

2 Vafumeli 14:13

Se Jehowasi mfumeli wa ka Israyeli, a to teka Amaziya, mfumeli wa ka Judha, mwana Jowasi, mwana Akaziya, kona Bheti-Semesi, eta Jerusalema, a to dhoda diguma da Jerusalema, kukhukhela ka ditimba da ka Efrayime, kala ka ditimba da ha dikhonani, 400 wa mikono.

Johani 5:2

Aniya Jerusalema ku ti ni diziva do sambela ka dona, hafuhi ni Txike txa Tinvuta, adiya di dhanwako ngu Txihebheru ku i Bhetesdha. Diziva diya di ti ni mtxhanu wa sike.

Zefaniya 1:10

Se ka edo ditshiku, kuwomba Mkoma, ku na pfala huwa kukhukhela ka Txike txa Sihaka; ni xomulo kukhukhela ka didhawa da diphya, ni huwa ya hombe, kukhukhela mimangoni.

Jeremiya 32:2

(Ka yoneyo mbimo tiyimbi ta mfumeli wa Bhabhilona ti to randela Jerusalema. Mprofeti Jeremiya a ti ti seketwe nyumbani ka vawoneleli va nyumba ya mfumeli wa ka Judha.

Jeremiya 31:38

Wona mata masiku, kuwomba Mkoma, aawa didhoropa diya di no aketetwa di lumba Mkoma, kukhukhela ka txitezi txa Hananeli kala ka Txike txa Dikhonani.

Nehemiya 12:40

Sekoko, mitxawa yiya ya yimbidi ya vaembeleli, yi to ya ema Nyumbani ka Txizimu, kumweko ni nani, ni hafu ya valamuli vale ni nga ti navo.