Nehemiya 12:27 - Bhiblia Yo Sawuleka

²⁷ Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.

Nehemiya 12:27 Referans Kwoze

1 Makronika 15:16

Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

Dhewuteronome 20:5

Sekoko madhota ma na womba ka vathu, ma txi kha ona: “I mani hagari kwanu a nga aka nyumba ya yiphya, ayi a sinziko kukhata kuotela ka yona kani? A na khukhe a txi tsula m'tini kwakwe, kasi asi fi yimbini, se nyumba yakwe yi txi sala yi txi khata kuotelelwa ngu vamwani.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

1 Makronika 15:4

Se Dhavhidha a to sengeleta vanana va Aroni ni Valevhi:

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

Masalmo 30:1

Ni na dhumisa wuhombe wako, Mkoma, nguko awe u ni hulukisile kambe khwa tumela ti to valala vangu va txi ni seka.

Nehemiya 11:20

Se vamwani va ka Israyeli, vaphaxeli ni va ka Levhi, va ti ti maneka ka otshe madhoropa a va ka Judha, mmwani ni mmwani ka thomba yakwe.

Nehemiya 8:17

Se wotshe msengeletano wa vale va nga wuya ngu wukhumbini va to maha midhuti va zumba ka yona; nguko vanana va ka Israyeli va si khali kumaha, kukhukhela ka masiku a Joxuwa, mwana Nune, kala ka ditshiku dile, se ku to maneka kutsaka ka hombe.

Ezra 6:16

Se vanana fa ka Israyeli, ni vaphaxeli, ni va ka Levhi, ni votshe vanana va wukhumbi, va to ningelisisa Nyumba yiya ya Txizimu ngu kutsaka.

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

1 Makronika 26:31

ka va ka Hebroni mthangeli wa va ka Hebroni, i ti ti Jeriya, wa tiveleko tawe hagari ka vatate; ka dilembe da mune wa magumi da kufuma ka Dhavhidha, ku to lawa kumaneka hagari kwawe vavamna va mtamo, kona Jazeri ka Gileyadhi.

1 Makronika 23:5

ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

1 Makronika 16:5

Mthangeli wa kona i ti Asafe, kulondeta Zakariya, se ngu msana ku to gameta Jeyeli ni Semiramoti, ni Jeyeli, ni Matitiya, ni Eliyabhe, ni Bhenaya, ni Obhedhi-Edhomi, ni Jeyeli, va di ni sitende ni timbila; se Asafe a ti veka titshodi.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

1 Vafumeli 8:63

Se Solomoni a to ningela mphaxo ngu kuthutha, mphaxo wu a nga wu maha ka Mkoma, 22.000 wa tihomu ta mikati, mbwa ni 120.000 wa tinvuta; ngu kumaha keto mfumeli ni votshe vanana va ka Israyeli, va to ningelisisa Nyumba ya Mkoma.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.