Nehemiya 12:24 - Bhiblia Yo Sawuleka

²⁴ Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

Nehemiya 12:24 Referans Kwoze

Nehemiya 11:17

se Mataniya, mwana Mika, mwana Zabhedhi, mwana Asafe, mthangeli wu a nga khata mkombelo wa kubonga, ni Bhakebhukiya, i nga ti ti wa wumbidi ka vanawe; kulondeta Abhidha, mwana Samuwa, mwana Galali, mwana Jedhutuni.

Nehemiya 9:4

Se Jesuwa, Kadhimiyeli, Sebhaniya, Bhuni, Serebhiya, Bhani ni Kenani va to ya ema txiluveloni txa va Levhi ve peka huwa ka Mkoma Txizimu txawe.

Nehemiya 8:7

Se Jesuwa, ni Bhani, ni Serebhiya, ni Jamini, ni Akubhe, ni Sabhetayi, ni Hodhiya, ni Mahaseya, ni Kelita, ni Azariya, ni Jozabhadhi, ni Hanani, ni Pelaya, ni Valevhi va to gondisa Mlayo ka vathu, na vathu va di ha makhaloni kwawe.

Ezra 2:40

A Valevhi: Vanana va Jesuwa ni Kadmiyeli, va ka Hodhavhiya, mtxhanu wa magumi ni magumi mambidi ni mune wa vona.

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

Joxuwa 14:6

Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Nehemiya 12:23

Vanana va Levhi, vathangeli va tinyumba ta vatate, va bhatwe dibhukuni ka makronika, kala ka masiku a Jowanani, mwana Eliyasibhe.

Nehemiya 12:36

ni vanawe, i ku Semaya, ni Azareli, ni Milalayi, ni Gilalayi, ni Mahayi, ni Netaneli, ni Judha, ni Hanani, ni sivetaveta sa Dhavhidha, m'thu wa Txizimu; se Ezra, mabhalani, a ti thangete masoni kwawe.

1 Makronika 16:4

Se a to veka Valevhi vokari masoni ka dibhokiso da Mkoma, kuva ve thangela mthumo wa wukhongeli; kasi ku alakanya, ni kudhumisa, ni kukhozela Mkoma, Txizimu txa Israyeli.