Nehemiya 10:39 - Bhiblia Yo Sawuleka

³⁹ Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli. Se ngu mamahelo eyo kha yi na mbi leka Nyumba ya Txizimu txathu.

Nehemiya 10:39 Referans Kwoze

Vahebheru 10:25

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

2 Makronika 31:12

Va to wuletisela ka sona miningelo ni sa wugumi ni silo so sawuleka; totshe ti txi thangelwa ngu Konaniya, Mulevhi, ni Simeyi mnanda wakwe.

Masalmo 122:9

Ngu mhaka ya Nyumba ya Mkoma, Txizimu txathu, ni na ku lavela si i ku sa sinene.

Dhewuteronome 12:17

Ha mwayani kwako, u nga dyele kona sa wugumi sa fulaho yako ni sa vhinya yako ya yiphya ni sa mtona wako, ni matiwula a tihomu tako ni matiwula a tinvuta tako, hambi sile u nga thembisa ngu txixambanyo, hambi miningelo ya kuranda kwako, hambi ni yihi miningelo yo ndiwitelwa, ayi yi humako manzani kwako.

Mitengo 18:30

Ngako u di mahileto, u na khawe kwawe: Ku nga ti mi txi ningela ngu so tshura ngutu, si na ningwa Valevhi, kufana ni fulaho ni vhinya si ningwako ngu vamwani.

2 Vafumeli 7:10

Va to ta koko ve ta bangulukela ka vaxayisi va sike sa didhoropa, va txi va zivisa ku kha vona: Hi tsute dizumboni ka Vasiriya, aniko ku si nga ni m'thu, hambi dipswi da m'thu, mahantxhi dwe ma ngadi sungeletwe, ni timbongola ti ngadi sungeletwe, ni matenda ma di zumbisile tona tile ta kale.

Mitengo 18:26

Se u na womba ka Valevhi u txi khawe: Ku ngako u txi amukela sa wugumi sa vanana va ka Israyeli, asi ni mi ningako kuva thomba yanu, nanu mi na thavisa sa wugumi ka sona, mi ningela ka Mkoma.

2 Makronika 31:11

Ezekhiya a to leleta kuva txi longisa sinyumbana Nyumbani ka Mkoma, se ve maha toneto.

Nehemiya 12:47

Sekoko ka masiku a Zorobhabheli ni ka masiku a Nehemiya, votshe va ka Israyeli va ti ti ningela sakudya sa vaembeleli ni sa vawoneleli va sike, ka mmweyo ni mmweyo ngu ditshiku dakwe; se va ti ti si sawulekisela Valevhi, ni vona Valevhi ve si sawulekisela vanana va Aroni.