Nehemiya 10:37 - Bhiblia Yo Sawuleka

³⁷ Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

Nehemiya 10:37 Referans Kwoze

Levhi 23:17

Mi na tisa ngu mitini kwanu, mapawu mambidi, o mahwa ngu mipimo yimbidi ya wugumi, a mpupu wa wunene, o bhikwa ni mtshumbelo, aale ma nga mahelwa kuve mandiwitelwa; ngu yona mihando yo khata yo mahelwa Mkoma.

Mitengo 18:21

Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.

Nehemiya 13:9

Se ni to leleta ti to tinyumba ti sawulekiswa; ni tshumela ni wuyisa siya sa Nyumbani ka Txizimu, ni miningelo ya sakudya, ni dibaselo.

Nehemiya 13:5

se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.

Dhewuteronome 26:2

sekoko u na teka mihando yo khata ka yotshe mihando yile u no elula ka dona ditiko dile Mkoma, Txizimu txako, a no kuninga, u na yi veka amu ka txirundu, u txi tsula nayo ka wukhalo wule Mkoma, Txizimu txako, a no wu sawula, kasi ku ditina dakwe di txi dhumiswa ka wona.

Dhewuteronome 18:4

U na va ninga mihando yo khata ya fulaho yako, ya vhinya yako ya yiphya ni mtona wako, kumweko ni matoya o khata kukaywa a tinvuta tako.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.

2 Makronika 31:6

Se vanana va ka Israyeli ni va ka Judha ava va nga aka madhoropani ka Judha va to tisa sa wugumi ngu tihomu ni tinvuta ni wugumi wa silo si si nga basiswa sa Mkoma, Txizimu txawe, va txi si wungeletela si txi maha tindunduma.

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Dhewuteronome 14:22

Ngu ditshuri u na ninga sa wugumi ngu ka mihando yako ya yiphya, ayi u no elula dilembe ni dilembe thembweni kwako.

Nehemiya 13:10

Ni to mana kambe ti to Valevhi kha va ningwa txyavelo txawe txatxidotho, ni ti to Valevhi ni vaembeleli, avale va nga ti thuma va tutumile, mmwani ni mmwani eya ditikoni kwakwe.

Nehemiya 13:12

Sekoko, dotshe ditiko da Judha di to tisa sa wugumi sa tindoho, ni vhinya, ni mtona, amu sisangalani.

Eksodha 13:2

Ni sawulekisele “otshe matiwula, hagari ka vanana va ka Israyeli, matiwula a vathu mwendo a sihari, nguko otshe ngangu.”

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Mitengo 18:15

Otshe matiwula ma no tiswa ka Mkoma, a vathu ni a sihari, ma nava ako; hambiko u na tirula matiwula a vathu; ni matiwula a sihari so yila, u ma tekisa.

Mitengo 18:18

Se nyama ya kona yi na kulumba, kumweko ni khana yo ndiwitelwa, u na wila mnenge wa txinene u txi dya.