Nehemiya 10:32 - Bhiblia Yo Sawuleka

³² Kambe hi ti emisete mlayo, hi sunga ti to dilembe ni dilembe hi na ningela ka Nyumba ya Txizimu txathu, txipande txa wuraru txa dixekele dimwedo;

Nehemiya 10:32 Referans Kwoze

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

Mavingu 3:9

Dhunda Mkoma ngu thomba yako, ni sotshe so khata sa mu ka dibhindu dako;

Eksodha 23:11

aniko ka dilembe da wutxhanu ni mambidi, u na leka mafu ma txi humulela u si dimi, ni silo sa kona u na si leka si txi va sa sisiwana sa vathu vako, se asi si salako si na dyiwa ngu sihari. U mahisa eto ngu thembwe ya mivhinya ni ya miolivha.

1 Makronika 26:27

ka sile si nga handwa yimbini, va to si sawulekisa, kasi kululamisa ngu sona Nyumba ya Mkoma,

Nehemiya 5:10

Hambi ani, ni vanathu ni vafana vangu, hi va lombile male ni fulaho. A hi lekeni dibhindu diya.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Nehemiya 13:15

Ka ona ale masiku, ni woni vathu kona Judha, va txi kamela vhinya ngu Sabbata, vamwani va txi rwalela tinyanda ngu timbongola; ni vhinya, ni mauvha, ni makuwa, ni thundu ya mixowo yotshe va txi si yisa Jerusalema ngu ditshiku da Sabbata; se ni to va laya, ditshiku dile va nga ti xavisa sakudya.

Nehemiya 13:18

Ina hi nga tona tiya va nga maha vatate vanu, txiza Txizimu txathu txi tisa dikhombo diya txitimwi kwathu, ni ka didhoropa diya kani? Se anu mingadi mi engetela kuhenya ka Txizimu txitimwi ka Israyeli, ngu ku nyamisa Sabbata.

Nehemiya 13:21

Ni to va laya, ni txi khani: Ngu kutxani mi ta otela masoni ka diguma kani? Mi txo engeta mi ti maha kambe, na mi ñola. Kukhukhela ka yona yile mbimo, kha va ta kambe ngu Sabbata.