Nehemiya 10:30 - Bhiblia Yo Sawuleka

³⁰ ni ku kha hi na mbi ningela vanana vathu vamahorana ka vathu va matiko, hambi kuteka vanana vawe vamahorana, hi ninga vanana vathu va majaha;

Nehemiya 10:30 Referans Kwoze

Dhewuteronome 7:3

U nga tekane navo, u nga ningele vanana vako vamahorana ve tekwa ngu vafana vawe, hambi ni kutekela vafana vako mahorana awe.

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Nehemiya 13:23

Ni wona Vajudha va vale va ngadi tekani ni vavasikati va ka Asidhodhe, ni va ka Amoni, ni va ka Mowabhi.

Nehemiya 13:25

Se ni to ya lwisana navo, ni va ruketela, vamwani kwawe ni va peka, ni va dulela misisi, se ni va xambanyisa ka Txizimu ni txi khani: Mi nga lowoliseni kambe vanana vanu vamahorana ka vanana vawe va majaha, mi nga tekeni kambe vanana vawe vamahorana m i ninga vanana vanu va majaha, hambi ku ti tekela anu mi pune.

Nehemiya 13:30

Ngu kumaha keto, ni to va basisa ka yotshe mithumo ya vamatiko, ni va ninga mithumo ya vaphaxeli ni ya Valevhi, mmwani ni mmwani ka mthumo wakwe,

Dhewuteronome 29:11

ni vanana vanu, ni vasikati vanu, ni mluveli wu a ku mu wugoveloni kwanu, kukhukhela ka wule a gangako tikhuni tako kala ka wule a rekako mati ako.

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

2 Vafumeli 23:25

A sanzi kufuma Josiya, kha nga maneka mfumeli wo fana nayo, wo hundulukela ka Mkoma ngu yotshe mbilu yakwe, ni muhefemulo wakwe wotshe, ni mtamo wakwe wotshe, madingano ni wotshe Mlayo wa Mosi; ni msana kwakwe, kha ka nga maneka mmwani wo fana nayo.

2 Makronika 34:31

Se mfumeli a to ema ha wukhaloni kwakwe e maha txitumelelano masoni ka Mkoma, kasi ku a txi vekisa milayo yakwe, ni sileleto sakwe, ngu mbilu yakwe yotshe, ni muhefumulo wakwe wotshe, ni kulondeta otshe mapswi a txitumelelano, awa ma nga bhalwa ka dibhuku da txitumelelano.

Nehemiya 5:12

Sekoko va to kha vona: Hi na vatshumetela, kha hi na mbi lava txilo kwawe, hi na maha madingano ni kuwomba kwako. Aniko ni to dhana vaphaxeli ni ta va xambanyisa to ve maha madingano ni dispwi diya.

Nehemiya 10:1

Se ava va nga sayina ngu vava: Nehemiya, mwana Hakaliya, ni Zedhekiya,

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.