Nehemiya 10:29 - Bhiblia Yo Sawuleka

²⁹ va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

Nehemiya 10:29 Referans Kwoze

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Johani 15:14

Anu mi vangana vangu, ngako mi txi maha totshe ti ni mi rumako.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

2 Makronika 34:31

Se mfumeli a to ema ha wukhaloni kwakwe e maha txitumelelano masoni ka Mkoma, kasi ku a txi vekisa milayo yakwe, ni sileleto sakwe, ngu mbilu yakwe yotshe, ni muhefumulo wakwe wotshe, ni kulondeta otshe mapswi a txitumelelano, awa ma nga bhalwa ka dibhuku da txitumelelano.

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Mithumo 17:34

Aniko vamwani vathu va to ti patanisa nayo, ve kholwa: Hagari kwawe ku ti ni Dhiyoniziyo muareyopago ni wamsikati wu a dhanwako ku i Dhamarisi ni vamwani kambe.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Johani 7:19

Ina Mosi kha mi ninga Mlayo kani? Aniko, hambi keto, kha ku nga ni wammweyo, hagari kwanu, a gongako Mlayo. Ngu kutxani, mi lavako ku ni daya kani?”

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Malakiya 4:4

Alakanyani Mlayo wa Mosi, txithumi txangu, awu ni nga wu rumela kwakwe kona Horebhi ka votshe va ka Israyeli, awu i ku sileleto ni wulamuli.

Jeremiya 26:4

Va gele, u txi khawe: Mkoma a khene: Ngako mi si engisi mi txi tsimbila ngu mlayo wangu, awu ni nga mi ninga,

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Masalmo 105:45

kasiku ve vekisa milayo ya txona ni kuxonipha sileleto sa txona. Dhumisani Mkoma!

Masalmo 8:9

Mkoma, Mkoma wathu, ditina dako di ni nduma ka otshe mafu!

Masalmo 8:1

Awe Mkoma, Txizimu txathu, ditina dako di ni nduma ka otshe mafu! Ni na pfalisa wudhumo wako wu nga guleka txitimwi ka Nzuma.

Nehemiya 13:25

Se ni to ya lwisana navo, ni va ruketela, vamwani kwawe ni va peka, ni va dulela misisi, se ni va xambanyisa ka Txizimu ni txi khani: Mi nga lowoliseni kambe vanana vanu vamahorana ka vanana vawe va majaha, mi nga tekeni kambe vanana vawe vamahorana m i ninga vanana vanu va majaha, hambi ku ti tekela anu mi pune.

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

Dhewuteronome 33:4

Mosi a hi ningile mlayo, awu i kuthomba ya msengeletano wa Jakobe.

Dhewuteronome 5:32

Ngu kumaha keto, khatalelani kumaha ati Mkoma, Txizimu txanu, a nga mi leleta tona. Mi nga ti hambukiseni, mi txi ya ka didhawa da txinene mwendo da txibhabha.

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Mitengo 5:21

sekoko, mphaxeli a na gela wu wamsikati e maha txixambanyo txa hombe e m'gela tiya: Hagari ka vathu vakakwanu, Mkoma a na kutisela dikhombo ni kukuruketela, e maha taku ti txi oma tinyonga tako, ni kusimba mrumbu wako,

Nehemiya 9:38

Se ka totshe eto, hi mahile txitumelelano txo tsana, hi txi bhate; se vathangeli vathu, ni Valevhi vathu, ni vaphaxeli vathu va txi tsanisile.

Jeremiya 34:15

Anu mi ti ti tshumete, mi maha ati ti nga lulama masoni kwangu, ngu kupeka nyiwo ngu kutxhatxheka, mmwani ni mmwani ka mwaakelani wakwe; mi ti mahile txitumelelano kumweko ni nani ka yiya nyumba, yi dhanwako ngu ditina dangu.

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

1 Makronika 9:2

Se vaaki vo khata, vale va nga ti zumba ka makhalo awe, ni ka madhoropa awe, i ti ti va ka Israyeli, ni vaphaxeli, ni Valevhi, ni Vaneti.

Nehemiya 7:46

Vanetine: Vanana va Ziya, ni vanana va Hasufa, ni vanana va Tabhawoti,

Nehemiya 8:2

Se mphaxeli Ezra a to neha Mlayo masoni ka msengeletano, ka vavamna, ni vavasikati ni ka totshe titxhari ti ti no pfisisa mbimo yi di no gondwa, ngu ditshiku do khata da mtxima wa wutxhanu ni yimbidi.

Nehemiya 8:3

Se a to di gonda a di masoni ka mtendela, wu wu ku masoni ka Txike txa Mati, kukhukhela ni mixo kala mitshikari, masoni ka vavamna, ni vavasikati ni titxhari; se tinzeve ta votshe vathu ti ti kuengisani ka dibhuku da Mlayo.

Nehemiya 9:2

Se liveleko la ka Israyeli li to ti hambanisa ni votshe vamatiko, se ve ema ve ti tshanza ngu mhaka ya sionho sawe ni wubihi wa vatate vawe.