Nehemiya 1:9 - Bhiblia Yo Sawuleka

⁹ Se anu mi na hundulukela kwangu mi xayisa milayo yangu, mi txi yi maha; sekoko, hambi ngako avale va nga lekwa va txo va magwito ka nzuma, ni na va sengeleta koneyo, ni va wuyisa ka wukhalo wule ni nga wu sawula, kuva ditina dangu di txi zumba ka wona.

Nehemiya 1:9 Referans Kwoze

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Jeremiya 12:15

Aniko msana ka kuva ni ti va dute, ni na tshumela ni va pfela wusiwana, ni na va tshumeta, mmwani ni mmwani thombani kwakwe, mmwani ni mmwani e tshumelela ditikoni kwakwe.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Masalmo 147:2

Mkoma wa wuseta Jerusalema e tshanganisa ngamu ya Israyeli, yi nga ti hangalakile.

Ezra 6:12

Sekoko Txizimu txi txi nga veka ditina da txona hale, txi na khundumusele votshe vafumeli ni vathu va kona, avale va no nawuluta mawoko o lava kuphemberusa ni kuhasamula Nyumba ya Txizimu, yi ku Jerusalema. Ani Dhariyo ni ningile txileleto, txi na londiswe ngu txikuluveta.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Ezekhiyele 36:24

Aniko ni na mi teka hagari ka matiko, ni txi mi sengeleta ngu ka otshe matiko, ni mi wuyisa ditikoni kwanu.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

1 Makronika 16:35

Se mi na khanu: Hi hanyise, awe Txizimu txa kuhanyiswa kwathu, hi sengelete u hi txhatxhisa ka matiko; kasi ku hi na bonga ditina dako do sawuleka, hi tsaka ngu wudhumo wako.

Dhewuteronome 12:21

Ngako wu txi maneka wu di kule ni nawe wukhalo wule wu nga sawulwa ngu Mkoma, Txizimu txako, kasi ku di txi dhumiswa koneyo ditina dakwe, konako u nga sikota kudaya tihomu tako ni tinvuta tako, ati Mkoma, Txizimu txako a nga kuninga, nga ti ni nga kuleleta; u nga sikota kudyela nyumbani kwako, nga ti u ti lavisako tona.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

Masalmo 107:3

a va wuyisile ngu matikoni, ka wutxani ni ka mswa-ditambo, ka Wuphemba ni ka Wulambwe.

Isaya 27:12

Se ku na maheka ka ditshiku dile taku, Mkoma e sengeleta mihando yakwe, kukhukhela milongani ka mnambo, kala ka mnambo wa Egipta; se anu vanana va ka Israyeli, mi na haphelwa, mmweyo-mmweyo.

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Ezekhiyele 14:6

Ngu kumaha keto, womba ka nyumba ya ka Israyeli u txi khawe: Mkoma Txizimu a khene: Hundulukani, mi txi leka sithombe sanu, tshemberisani tikhohe tanu mi si woneteli manyala anu.

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Dhewuteronome 30:1

Se kumaheka taku, ngako ti txi ta txitimwi kwako totshe tiya, mathomo mwendo makhombo ale ni nga ma womba kasi ku u sawula, u txi pimisa mbiluni kwako, hagari ka yotshe mifumo yile Mkoma, Txizimu txako, a no kuyisa ka yona;

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;