Nehemiya 1:7 - Bhiblia Yo Sawuleka

⁷ Athu, ngu ka totshe hi kuonhete, kambe kha ha xayisa milayo yako, hambi sileleto, mwendo sirumo si u nga leleta Mosi, txithumi txako.

Nehemiya 1:7 Referans Kwoze

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.

Masalmo 106:6

Hi onhile kufana ni vakale vathu; hi onhile, hi mahile kubiha.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Malakiya 4:4

Alakanyani Mlayo wa Mosi, txithumi txangu, awu ni nga wu rumela kwakwe kona Horebhi ka votshe va ka Israyeli, awu i ku sileleto ni wulamuli.

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

2 Makronika 27:2

Se a to maha ti i ngadi ta tinene masoni ka Mkoma, a to maha totshe ku nga tile a nga mahisa tona tate wakwe Uziya, futhi kha wulela ka mithumo ya dithepeleni ka Mkoma, vathu va to ya masoni ngu kuonha.

2 Makronika 25:4

Hambi keto, kha daya vanana vawe, aniko a mahile madingano ni tile Mlayo wu nga bhaliswa tona amu ka dibhuku da Mosi, ngati Mkoma a nga leletisa tona, a txi khene: Kha va na mbi fa vaveleki ngu mhaka ya vanana, hambi vanana kha va na mbi fa ngu mhaka ya vaveleki; aniko mmweyo ni mmweyo a na fa ngu txionho txakwe.

1 Vafumeli 2:3

Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Levhi 27:34

Ayiya, milayo yi yi nga mahelwa va ka Israyeli, ayi Mkoma a nga leleta Mosi, mmangoni ka Sinayi.

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Masalmo 89:31

ngako va txi ndaka mithetho yangu va si vekisi sirumo sangu,

Masalmo 89:32

koneko, ni na tsayisa sionho sawe ngu ndonga, ni txi va khawulisa wubihi wawe ngu sisephu.