Nehemiya 1:6 - Bhiblia Yo Sawuleka

⁶ Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

Nehemiya 1:6 Referans Kwoze

Dhaniyeli 9:20

Ni txi ngadi ni womba-womba ni kukombela, ni titshanza sionho sangu, ni sionho sa vathu vangu va ka Israyeli, ni txi veka kudila kwangu masoni ka Mkoma, Txizimu txangu, ngu mhaka ya mmango wo sawuleka wa Txizimu txangu,

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Masalmo 106:6

Hi onhile kufana ni vakale vathu; hi onhile, hi mahile kubiha.

2 Makronika 29:6

Nguko vatate vathu va hambukile, va mahile to biha masoni ka Mkoma Txizimu txathu, ve mu leka; ve jikisa tikhohe tawe ve leka kuwonetela ditenda da Mkoma va txi ditshuralela.

2 Makronika 6:40

Konkuwa, awe Txizimu txangu, hi wone u engisa mikombelo yathu yi hi mahako ka wukhalo wuwa,

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

Sidilo 5:7

Vatate vathu va onhile, aniko konkuwa kha va ngaho; se athu vanana vawe hi rwekwa sionho sawe.

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.

Masalmo 130:2

Mkoma, engisa dipswi dangu! Tinzeve tako ti na engise dipswi da kudila kwangu!

Masalmo 55:17

Ni minova, ni mixo, ni dhina ni na khongela; ni na kwangula, se ene a na engisa dipswi dangu.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Ezra 10:1

Se mbimo yile Ezra a nga khongela, e ti sola, e dila, e ti namisa masoni ka Nyumba ya Mkoma, vathu va msengeletano wa hombe wa va ka Israyeli, vavamna ni vavasikati, ni vanana, va to ta patana nayo, na va txi dila, ngu huwa ya hombe.

Vaefesu 2:3

Nanathu hotshethu hi ti fite kale kufana navo, ngu kulondetela minavelo yathu yo biha ni kumaha kuranda ko hambana ka mmidi wathu ni mipimiso yathu. Ngu kota yeto, nathu ngu mtumbuluko wathu hi ti maneka hi di vanana va va fanelwako ngu kutsukulwa ngu Txizimu kufana ni vamwani.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Masalmo 88:1

Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Ezra 10:11

Sekoko, anu ti soleni masoni ka Mkoma, Txizimu txa vatate vanu, mi maha kuranda ka txona; hambanani ni vathu va matiko, ni vasikati va matiko.

2 Makronika 28:10

Se konkuwa mi ni txikungo txo xanisa vanana va ka Judha ni va Jerusalema, mi va maha tikhumbi. Ina hi nga anu kani mi ku ni mnandu ka Mkoma Txizimu txanu?

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

1 Vafumeli 8:30

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo; kambe awe engisa, ka wukhalo wu u zumbako ka wona nzumani, engisa kambe divalela.

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Dhaniyeli 9:8

Awe Mkoma, athu, ni vafumeli vathu, ni vathangeli vathu, ni vatate vathu, hi lumbwa ngu tingana, nguko hi kuonhete.

Dhaniyeli 9:15

Kha ditshuri, awe Mkoma, Txizimu txathu, u nga humisa vathu vako ditikoni ka Egipta ngu dianza dako da mtamo, aniko u mana ditina, i ku ti ti wonekako nyamsi, hi onhile; hi mahile kubiha.