Nehemiya 1:3 - Bhiblia Yo Sawuleka

³ Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Nehemiya 1:3 Referans Kwoze

Nehemiya 2:17

Sekoko ni to va gela ku khani: Ma wu wona wusiwana wu hi ku ka wona, aku Jerusalema a nga khundumuswa, ni matimba a kona ma nga hiswa; ngonani hi ta aketa diguma da Jerusalema, kasi ku hi si zumbi kambe tinganani.

2 Vafumeli 25:10

Se otshe masotxhwa a Vakaldheya, ma nga ti ti ni mthangeli wa yimbi, ma to khundumusela maguma ale ma nga ti bhiyete Jerusalema.

Nehemiya 7:6

Avava ngu vona vanana va ditiko, va nga huma ngu wukhumbini, vale va nga ñolwa e tsula navo Nebhukodhonosori, mfumeli wa Bhabhilona; se va to tshumela ve wuya Jerusalema, ni Judha, mmweyo ni mmweyo e tsula dihoropani kwakwe.

Nehemiya 2:13

Se ni to huma ni wusiku ngu Txike txa Mkovani, ngu didhawa da Txisima txa Dragoni ni ngu didhawa da Txike txa Ditalani, ni wonisisa maguma a Jerusalema, a ma nga ti ti khundumusilwe, ni matimba a kona ma nga ti ti hisilwe ngu mndilo.

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Ezra 5:8

Ti na zivaneke ka mfumeli taku athu hi tsute ka ditiko da ka Judha, ka Nyumba ya Txizimu txa hombe, yi akwako ngu marigwi a hombe, se ka vekwetelwa mapulango txitimwi ka maseta; se mthumo wa kuluvetiswa ngu manza awe.

Sidilo 5:1

Khumbula awe Mkoma, a tile ti nga hi humelela: Wona tingana tathu.

Sidilo 3:61

Awe Mkoma, sipoyilo sawe u si pfite ni makungo awe otshe a kulwa ni nani.

Sidilo 1:7

Khumbula awe Jerusalema, ka masiku a kuxaniseka ni ku ti lambisa kwako ni sotshe si u nga ti si dhunda, si u nga ti naso ngu kale; mbimo yi vathu vako va nga ti ti wa manzani ka mlala, se ene a ti si nga ni muhefemuti valala va muwoni va txi poyila kuwa kwakwe.

Jeremiya 52:14

Se dotshe dibutho da Vakaldheya va va nga ti ni mthangeli wa vawoneleli, va to khundumusa otshe maguma ma nga ti ranganyetile Jerusalema.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Isaya 43:28

Ngu mhaka yeto ni na nyenyezisa vahombe va wukhalo wo sawuleka, kambe ni maha ti to Jakobe e loviswa, ni Israyeli kuva e rukwa.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Nehemiya 11:3

Se a vava mba thangeli va ditiko va nga aka Jerusalema (se ka madhoropa a Judha mmwani ni mmwani a ti ti akile ka wukhalo wakwe, ka madhoropa awe, i ku vava: Vaisrayeli, vaphaxeli, ni Valevhi, ni Vaneti, ni vanana va tikhumbi ta Solomoni.)

Ezra 2:1

Avava ngu vona vanana va ditiko da hombe, va nga huma ngu wukhumbini, avale Nabhukodhonozori mfumeli wa Bhabhilona a nga ti ti va yisile Bhabhilona, se va to wuya Jerusalema ni Judha, mmweyo ni mmweyo m'tini kwakwe,

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Mavingu 25:28

M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.