Nehemiya 1:11 - Bhiblia Yo Sawuleka

¹¹ O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Nehemiya 1:11 Referans Kwoze

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.

Nehemiya 2:1

Ku to maheka koko tito, ka mtxima wa nisani, ka dilembe da magumi mambidi a kufuma ka mfumeli Aritasasta, ku ti ti vekilwe vhinya masoni kwakwe, se ani ni to teka vhinya ni thelela mfumeli; aniko ni si khali kukarateka masoni kwakwe.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Masalmo 130:2

Mkoma, engisa dipswi dangu! Tinzeve tako ti na engise dipswi da kudila kwangu!

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Masalmo 86:6

Mkoma, engisa mkombelo wangu, amukela huwa ya txikombelo txangu!

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Genesisi 40:21

Ene a to tshumela e amukela mthangeli wa vatheleli va vhinya mthumoni ka yona ka kuthumela m'zinda, yi txi teka kopo yi txi veka manzani ka Faro,

Genesisi 40:23

Aniko mthangeli wa vatheleli va so sela, kha mkhumbula Josefa, yi to m'divala.

Genesisi 41:9

Sekoko awule wa mthangeli wa vatheleli a to womba ka Faro, a txi khene: “Nyamsi ni fanete kutitshanza mnandu wangu.”

Genesisi 32:11

Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.

Mavingu 1:29

Ngako mi nga venga wuzivi, kambe kha ma lava kuthava Mkoma;

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Genesisi 40:2

Se Faro a to henyela ngutu mithenwa yakwe ya yimbidi, ni mthangeli wa vatheleli va so sela, ni mthangeli wa vabhiki va mapawu.

Genesisi 24:42

Ngako ni di bwakile ha txisimani nyamsi ni khongete ni txi khani: “Mkoma, Txizimu txa nyamne wangu Abrahamu, ngako u di katekisile mhaka yangu, ayi ni endelako yona konkuwa,”

Genesisi 40:1

Ngu msana ka totshelele tiya, ku mahekile ti to mtheleli wa so sela sa mfumeli, wa Egipta ni m'bhikeli wakwe wa mapawu, va manekile va di onhete nyamne wawe, mfumeli wa Egipta.

2 Makronika 6:40

Konkuwa, awe Txizimu txangu, hi wone u engisa mikombelo yathu yi hi mahako ka wukhalo wuwa,

Masalmo 61:5

Awe koko Txizimu, u engisile sixambanyo sangu u amukete txikombelo txa vale va ku dhumisako.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Jeremiya 42:12

Ni na mi mahela wumbilu, kuva a txi na mi mahela wumbilu, a txi mi tshumetela ditikoni kwanu.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.