Ndando ya Tindando 8:9 - Bhiblia Yo Sawuleka

⁹ I tiku ova diguma, hi ndi na aka txidingililelo txa silivhela txitimwi yona, i tiku ova ditimba, hi ndi na m'biyela ngu mapulango a mikedhari.

Ndando ya Tindando 8:9 Referans Kwoze

Mithumo 15:16

‘Msana ka tiya, ni na wuya ni ta aketa ditenda da Dhavhidha, di nga wa, ditshatsha di di nga sala, ni nata di aketa, ni nata wusa ditenda di txi ema.

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Isaya 61:4

Se va na aketa makhalo ale ma nga xaselwa, kambe va na wuseta ni ale ma nga haxulwa kale, ni kuwusa madhoropa ale ma nga xaselwa, ma nga khundumuswa ka liveleko ni liveleko.

Isaya 60:17

Wukhaloni ka koporo ni na tisa nzalama, ni wukhaloni ka simbi ni na tisa silivhela, wukhaloni ka mapulango ni na tisa msuku, wukhaloni ka marigwi, ni na tisa simbi; se ni na maha ti to vafumeli vako ve dikha, ni vathumi vako veva vo lulama.

Isaya 58:12

Se avale va no huma ngu kwako, va na wusa makhalo a marumbi a kale; kambe u na wusa makhato a liveleko ni liveleko, se va na ku dhana taku u mlulamisi wa mule ko sakala, ni muwusi wa tisoko ta vazumbi va ditikoni.

Ndando ya Tindando 2:9

Txirandwa txangu txi fanana ni txipene, mwendo mwanana wa mhoti; wonani, nditxele, txi emile msana ka diguma dathu, txa solelela ngu mu ka mafasitela, txa hi wona ngu mu ka tisimbi.

1 Vafumeli 6:15

Maseta a mndani ka nyumba a to ma tsivela ngu mapulango a mikedhari, kukhukhela hahatshi ka nyumba kala txiroroni, kotshe a to tsivela ngu mapulango ngu mndani se e nameketela mapulango a mikedhari hahatshi.

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Ndando ya Tindando 1:11

Hi na ku mahela liketani la nzalama, li ku ni sipikiryana sa silivhela.