Ndando ya Tindando 8:8 - Bhiblia Yo Sawuleka

⁸ Hi ni ndiya ya yidotho, yi sanziko kuva ni titshumbu; Hi na maha txani ngu yona, ditshiku di yi nota wutwa kani?

Ndando ya Tindando 8:8 Referans Kwoze

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Mithumo 16:9

Se ni wusiku, Paulo a to wona txiwoniso: Wamwamna wa Makedhoniya masoni kwakwe, e mkombela, a txi khene: “Ngono Makedhoniya u ta hi vhuna.”

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Luka 19:44

“Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Ezekhiyele 23:33

U na leva ngutu, ni kupandiseka; digombe da mkomwako Samariya ndigombe da txixamaliso ni xomulo.

Ezekhiyele 16:61

Sekoko u na alakanya tinzila tako, u kanganyiseka, mbimo yi u no amukela vakomwako ni vananda vako, nguko ni na va maha vanana vako, aniko na i si nga ngu txitumelelano txako.

Ezekhiyele 16:46

Se mkomwako ngu Samariya, ene ni vanana vakwe vamahorana, a zumbako txibhabha kwako; se mnanda wako, a zumbako ka dianza dako da txinene, ngu Sodhoma ni vanana vakwe vamahorana.

Ezekhiyele 16:7

Ni kumahile u anda nga similwa sa txitingani, u kute, u mahile wa hombe, kambe u tshurile ngutu; titshumbu tako ti kute, ni misisi yako yi kute; aniko u sa fenengetwa, u ti ti tximbwiri.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Ndando ya Tindando 8:10

Ani ni diguma, titshumbu tangu, ti fana ni sidingililelo sa dona; masoni kwakwe ni fana ni wule a manako kudikha.

Ndando ya Tindando 7:3

Titshumbu tako ta timbidi ti fana ni simhotyana simbidi sa mahasa.

Ndando ya Tindando 4:5

Titshumbu tako ta timbidi ti fana ni simhotyana simbidi sa mahasa, si dyiswako hagari ka makhoñwa.

Ndando ya Tindando 8:9

I tiku ova diguma, hi ndi na aka txidingililelo txa silivhela txitimwi yona, i tiku ova ditimba, hi ndi na m'biyela ngu mapulango a mikedhari.