Ndando ya Tindando 8:7 - Bhiblia Yo Sawuleka

⁷ Kha ku na mati a ma nga sikotako ku tima lirando, kambe kha ku na mnambo wu wu nga sikotako ku li bhwabhwanetisa. Hambi ku ngako m'thu a txo ningele thomba yotshe ya nyumbani kwakwe ngu mhaka ya lirando, magwito a kona ngu kunyenywa dwe.

Ndando ya Tindando 8:7 Referans Kwoze

Mavingu 6:35

Kha na mbi amukela txo kombela ngu txona divalelo, hambi ku txi tumela, hambi u txo engetela so mxava ngu sona.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Mavingu 6:31

aniko di txi manwa, di na diha ngu kupinda mtxhanu wa makhati ni mambidi; di na ningela yotshe thomba ya m'tini ka dona.

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Genesisi 39:19

Mbimo yi Potifari a nga engisa ti mkatakwe a nga m'geletela, ta ku khene: “Wona ati txithumi txiya txako txi nga maha kwangu,” a to henya ngutu.