Ndando ya Tindando 8:5 - Bhiblia Yo Sawuleka

⁵ I mani wule a tako ngu didhawa da txiwulani, a di khutarete txirandwa txakwe kani? Ni ku wusile u di hahatshi ka mndonga wa mahapula, aha mwamwako a nga lumwa a di kona, ahawa a nga kuvelekela kona.

Ndando ya Tindando 8:5 Referans Kwoze

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Masalmo 63:8

Moya wangu wu patanile ni nawe, se dianza dako da ni tsanisa.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Ndando ya Tindando 6:10

I mani wuwa a wonekisako ku nga wuronga, wo tshura nga mtxima, wa kuwoninga nga ditambo, wo thisa nga dibutho da yimbi di ku ni m'jeke kani?

Ndando ya Tindando 3:4

Ni di hambunyetani navo, koneko ni to mana wule muhefemulo wangu wu mtsakelako; Ni to mñola, kala kuza ni mwuleta nyumbani ka mame, txibhiyani ka wule a nga ni veleka.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Johani 13:23

Kambe mmwani wa vagondiswa vakwe, awuwa Jesu a mu randako, a ti khigetete hakhana ka Jesu.

Hoseya 12:4

Ku nga mthangeli a lwite ni ngelozi, a txi yi xula; a dite, a txi yi kombela; kambe a to mana Txizimu kona Bheteli, se txona txi womba-womba ni nathu koneyo;

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Ndando ya Tindando 8:1

Oh! I ti ku wo va ndiyangu, wule a nga mama tshumbu ya mame wangu, ni ndi no mbimo yi hi tshanganako ruwani, ni ku pswompswa, ni si solwi ngu m'thu.

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

Mtuletelo 12:6

Se wamsikati e thava e tsula txiwulani, ahawa a nga ti lulamisetwe wukhalo ngu Txizimu, kasi kuve zumba ve mphamela sakudya mndani ka txipimo txa 1.260 wa masiku.

Vagalatiya 4:19

Vanavangu, na pandiseka ta tinene ngu nganu, kufana ni wamsikati wu a lumwako ngu kulava kuhefemula, kala kuza txiemo txa Kristu txi woneka hagari kwanu.

Varoma 7:4

Ngu nzila yo nga toneto, nanu vanathu, mi fite mlayoni ngu didhawa da mmidi wa Kristu, ti to mi lumba mmwani, i ku wu a nga wuka ka vakufa, kasi ku hi txi humisa mihando yi yi tsakisako Txizimu.

Isaya 36:6

Na ti wona taku u themba ndonga yile ya litshava lo funyeka, i ku Egipta, aha kaku m'thu a txo khigetela ka lona, li na mthola dianza, li dhoda ka dimwani didhawa; ngu toneto nene Faro, mfumeli wa Egipta, ka votshe vale va mthembako.

Ndando ya Tindando 4:8

A hi khukhe Libhanoni, awe msikati wangu, ngono hi khukha Libhanoni; wonetela kukhukhela tshokani ka mmango wa Amana, kukhukhela tshokani ka mmango wa Seniri ni wa Hermoni, khukhela mazumboni ka tingonyamo, ni mimangoni ka tiyingwe.

Masalmo 63:9

Avale va lavako ku ni fuvisa va na wa diphalani ko hokoma.