Ndando ya Tindando 8:2 - Bhiblia Yo Sawuleka

² Ni ndi na kuteka, ni kuyisa nyumbani ka mwamwangu, se awe u ndi na ni gondisa ta lirando, Ni ndi na kuninga vhinya yo lombela ni vhinya ya maromani u txi sela.

Ndando ya Tindando 8:2 Referans Kwoze

Ndando ya Tindando 3:4

Ni di hambunyetani navo, koneko ni to mana wule muhefemulo wangu wu mtsakelako; Ni to mñola, kala kuza ni mwuleta nyumbani ka mame, txibhiyani ka wule a nga ni veleka.

Ndando ya Tindando 7:12

A hi wuke ni mixo hi ya mivhinyani, hi ya wona ti to mwendo mauvha ma veleka, mwendo siluva sa ona sa baleka, ni ku mwendo miromani yi mite, Koneyo ni na ya kuninga lirando langu la hombe.

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Ndando ya Tindando 7:9

Se tshambelo yako yi fana ni vhinya ya yinene, ka txirandwa txangu, yi yi selwako ngu mkhatala, yi rithimukako sisofuni ka vale va otelako.

Mavingu 9:2

Se wutxhari wu date sifuyo sa wona, wu patete vhinya ya wona, kambe wu lulamisete meza ya wona.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.

Ndando ya Tindando 8:1

Oh! I ti ku wo va ndiyangu, wule a nga mama tshumbu ya mame wangu, ni ndi no mbimo yi hi tshanganako ruwani, ni ku pswompswa, ni si solwi ngu m'thu.