Ndando ya Tindando 8:14 - Bhiblia Yo Sawuleka

¹⁴ Ngono ngu kukuluveta txirandwa txangu, tutuma kufana ni txipene mwendo mbavala, txitimwi ka mimango ya so bhumulisa.

Ndando ya Tindando 8:14 Referans Kwoze

Ndando ya Tindando 2:17

An'ze kuza ditxa, ni mitsudi yi mwalala, txirandwa txangu wuya; u fana ni txipene mwendo mbavala txitimwi ka mmango wa Bheteri.

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Ndando ya Tindando 2:9

Txirandwa txangu txi fanana ni txipene, mwendo mwanana wa mhoti; wonani, nditxele, txi emile msana ka diguma dathu, txa solelela ngu mu ka mafasitela, txa hi wona ngu mu ka tisimbi.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Luka 19:12

A txi khene: “M'thu wa nganakana a to endela ditikoni ka kule, kuya fumiswa wukoma, e tshumela e wuya.

Ndando ya Tindando 4:6

Ni na tsula mmangoni ka mira, ni tximangwanani ka dibaselo, kusanzi kutitila, ni mitsudi yi sanzi kumwalala.

Dhewuteronome 12:15

Kambe madingano ni ti u ti lavako moyani kwako, u nga sikota kudaya txifuyo txako, udya nyama ya kona, ka otshe madhoropa ako, nga ti Mkoma, Txizimu txako, a nga ku katekisisa tona; kasi awu a nga mbi basa ni wu a nga basa, votshe va na dya, nga ti ku dyiswako tona nyama ya mhoti ni ya xangu.

Ndando ya Tindando 2:7

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni lirando langu, kala kuza li ti lava.