Ndando ya Tindando 7:9 - Bhiblia Yo Sawuleka

⁹ Se tshambelo yako yi fana ni vhinya ya yinene, ka txirandwa txangu, yi yi selwako ngu mkhatala, yi rithimukako sisofuni ka vale va otelako.

Ndando ya Tindando 7:9 Referans Kwoze

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Varoma 13:11

Mahani totshe tiya, nguko ma yi ziva mbimo yi hi ku ka yona: Se i mbimo yo wuka wukoheni. Konkuwa kuhanyiswa kwathu ku hafuhi ngutu kupinda mbimo yile hi nga amukela ngu yona likholo.

Ndando ya Tindando 5:2

Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Mavingu 23:31

U nga yi wone walo vhinya, kule yi wonekisako kubhilivila, mbimo yile yi pupumako mu ka dijingo yi thekelela kha kwati.