Ndando ya Tindando 7:8 - Bhiblia Yo Sawuleka

⁸ Ni txi khani: Ni na kwela amu ka mndonga wa mtxhese, ni ya ñola madhavi a wona; sekoko titshumbu tako ti na fana ni sizangwa sa mivhinya, ni kubhumula ka kuhefemula kwako, ku na fana ni ka mahapula.

Ndando ya Tindando 7:8 Referans Kwoze

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Ndando ya Tindando 2:5

Ni busiseni ngu tximbwanda txa mauvha, mi ni tsanisa ngu mahapula, nguko na fa ngu lirando.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Ndando ya Tindando 7:7

Txiemo txako txi fanana ni txa mtxhese, ni titshumbu tako ti fana ni sizangwa sa mauvha.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.