Ndando ya Tindando 7:5 - Bhiblia Yo Sawuleka

⁵ Msungo wako wu fana ni mmango wa Karmeli, ni misisi ya ha msungo kwako, nga disilika do bhilivhila; mfumeli a khotetwe ngu timbobo tako.

Ndando ya Tindando 7:5 Referans Kwoze

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Ndando ya Tindando 4:1

Wona taku, u tshurile ngutu, awe mndoni wangu, wona taku u tshurile ngutu; maso ako hagari ka timbobo tako, mafana ni maso a matuva, misisi yako yi fana ni mtxhambi wa tiphongo ti ti dyiswako mmangoni ka Gileyadhi.

Mtuletelo 1:14

Misisi ya msungo wakwe i ti yo basa kufana ni matoya o basa a tinvuta, mwendo ku nga hunguva; maso akwe ma ti ti fana ni dituro da mndilo.

Vakolosa 2:19

m'thu wo ngeto kha tshanganiswa ni msungo, awu i ku ka wona, mmidi wotshe, wu di tshanganisilwe ngu madingo ni misiha, wu manako kukula kuwa wu ningwako ngu Txizimu.

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 18:20

Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Ndando ya Tindando 5:11

Msungo wakwe wu fana ni nzalam yo hehuka ngutu, misisi yakwe yi laphile, ya mtima nga digwana.

Ndando ya Tindando 1:17

Minaneko ya nyumba yathu nja mikedhari, timbalelo ta lyangwa lathu nda Sipresite.

Masalmo 87:2

Ene wa di dhunda didhoropa da Jerusalema, wa ma dhunda matimba a Siyoni. Kupinda tinyumba totshe ta ka Jakobe.

Masalmo 68:24

Txizimu, va ku woni kutsimbila kwako, kutsimbila ka Txizimu txangu ni mfumeli wangu, mbimo yi a wulelako txiluveloni kwakwe ko sawuleka.

Genesisi 32:26

Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

Mavingu 5:19

kufana ni mhoti yo randeka, ni mhoti yo tsakisa; titshumbu takwe ti na ku tsakise yotshe mbimo; ndindwa ngu lirando lakwe ngu ha ku si gwitiko.

Mitengo 21:26

Nguko Hesibhoni i ti m'zinda wa Sihoni, mfumeli wa Vaamori, a nga ti lwile ni mfumeli wa Mowabhi a nga ti tiho ngu kale ka kona, a txi mtekela ditiko dotshe kala Arnoni.

Ndando ya Tindando 4:4

Thamo yako yi fana ni txitezi txa Dhavhidha, txi nga akwa kasi kuhayeka kona matxhari, amu ku hayekwako 1.000 wa matxhari, otshe a vathu va mtamo.