Ndando ya Tindando 7:4 - Bhiblia Yo Sawuleka

⁴ Thamo yako yi fana ni mikhokhola yo akwa ngu makwasa a nzofu; maso ako ma fana ni mkole wa Hesibhoni, hafuhi ni txike txa Bhati-Rabhimi; thonvu yako yi fana ni mikhokhola ya Libhanoni, yi nga wonetela Dhamasku.

Ndando ya Tindando 7:4 Referans Kwoze

Ndando ya Tindando 4:4

Thamo yako yi fana ni txitezi txa Dhavhidha, txi nga akwa kasi kuhayeka kona matxhari, amu ku hayekwako 1.000 wa matxhari, otshe a vathu va mtamo.

Masalmo 144:12

Kasi ku vanana va vathu, va na fana ni mindonga, yi yi kulako yi anda i di ngadi yiphya; vanana vathu vamahorana va na fana ni marigwi a makhonani o vatelwa nga tinyumba ta nyumba ya wukoma,

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

Ndando ya Tindando 6:5

U nga ni wonetele, nguko maso ako ma ni heta mtamo. Misisi yako yi fana ni mtxhambi wa tiphongo ti ti dyelako Gileyadhi.

Ndando ya Tindando 4:1

Wona taku, u tshurile ngutu, awe mndoni wangu, wona taku u tshurile ngutu; maso ako hagari ka timbobo tako, mafana ni maso a matuva, misisi yako yi fana ni mtxhambi wa tiphongo ti ti dyiswako mmangoni ka Gileyadhi.

Ndando ya Tindando 1:10

Mathama ako ma tsurisetwe ngu siketiketi, ni thamo yako ngu wusekenya.

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

2 Makronika 8:6

ni Bahalate, ni otshe madhoropa o xayisela ka ona thomba yi Solomoni a ngadi nayo, madhoropa o veka sikotxikani, madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga txi fumela.

1 Vafumeli 22:39

Kasi ngu kutala ka mithumo ya Akabe, ni totshe ti a nga maha, ni nyumba yile a nga yi aka ngu makwasa a tinzofu, ni otshe madhoropa a nga aka, ina mwendo kha ta bhalwa ka dibhuku da matimu a vafumeli va ka Israyeli kani?

1 Vafumeli 10:22

Nguko mfumeli a di ni sitataru sa Tarxixi, ni sitataru sa Hiramu; kumweko ngu malembe mararu, ku txi wuya sitataru sa Tarxixi si txi tisa nzalama ni silivhela ni makwasa a tinzofu, ni tifenhe ni digarakwinya.

1 Vafumeli 10:18

Se mfumeli a to maha txitulu txa hombe txa wukoma ngu makwasa a tinzofu, e tshulela ngu nzalama ya yinene ngutu.

1 Vafumeli 9:19

ni otshe madhoropa ma nga ti xomisilwe, ale a nga ti nawo Solomoni, ni madhoropa a mahantxhi, ni madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga ti di fumela.

1 Vafumeli 7:2

A to aka kambe nyumba ya txitinga txa tingani ka Libhanoni, ya dizana wa mikono kulapha, ni mtxhanu wa magumi a mikono, ni magumi mararu a mikono kudemba, txitimwi ka mune wa titxhatxha ta tisika ta mikedhari, ni mirwalo ya kona ya mikedhari txitimwi ka tisika.

2 Samuwele 8:6

Se Dhavhidha a to veka vawoneleli kona Siriya ka Dhamasku, Vasiriya va to maha tikhumbi ta Dhavhidha ni ku mluva; Mkoma a to xayisa Dhavhidha kotshe mu a nga ti ti ya kona.

Genesisi 15:2

Sekoko Abramu a xamute, a txi khene: “Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”

Ndando ya Tindando 4:5

Titshumbu tako ta timbidi ti fana ni simhotyana simbidi sa mahasa, si dyiswako hagari ka makhoñwa.