Ndando ya Tindando 6:9 - Bhiblia Yo Sawuleka

⁹ Aniko txituvana txangu njimwetxo, wa kwa mbi na txionho, ngene ekha ka mame wakwe, txirandwa txa wule a nga m'veleka; Ngako mahorana ma txi mu wona, va m'dhana ku wu wo kateka, vafumeli va txisikati ni vavasikati vavadotho va na m'dhumisa.

Ndando ya Tindando 6:9 Referans Kwoze

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Ndando ya Tindando 5:2

Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.

Masalmo 45:9

Vanana va txisikati vavafumeli, va ti ti ho hagari ka mahorana; ngu didhawa dako da txinene ku ti ti ni mfumeli wa txisikati, a nga ambala syambalo so tshuriselwa ngu nzalama ya lisima ya Ofiri.

Genesisi 30:13

Sekoko Leya a ti khene: “Ni katekile! Vavasikati va na ni dhana ku ni m'thu wo kateka.” Se mwanana a mrayile ditina daku i Aseri.

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,

Masalmo 126:2

Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Mitengo 23:9

Nguko na mmona ni di txitimwi ka marigwi, ni wonisisa ni di mmangoni, ni wona vathu va nga zumba ngu didhawa. Ava va si ti fananisiko ni vamwani vathu, va mamwani matiko.

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.